ଗୋଟିଏ ଅଳି
କବିତା ଦାଶ
କା ଓଠରେ ହସ ଦେଇ
କା ଆଖିରେ ଲୁହ ଦେଇ
ଶାରଦା ଗୋ ଶରତ ରେ
ଆସୁଅଛ ଯେବେ ଏ ଧରାରେ
ଗୋଟିଏ ଅଳି ମା ଆଜି
ତୁମ ପାଦତଳେ ।
କରୁଣାର ଦୃଷ୍ଟି ନେଇ
ଚାହଁ ଥରେ ତୁମର ଏ
ସୁନ୍ଦର ସୃଷ୍ଟିକୁ
ଯନ୍ତ୍ରଣାରେ ହୋଇ ଜର୍ଜରିତ
ଅସହାୟ ହୋଇ ସିଏ
ଆଜି ଖାଲି ବରୁଛି ମୃତ୍ୟୁକୁ ।
ଅମୃତ ର ବାରି ସିଞ୍ଚି
ପୁନର୍ଜନ୍ମ ଦିଅ ତାକୁ
ଧୋଇ ଦିଅ ସବୁ ପାପ ,
ସବୁ ଦୁଃଖ ତୁମ କରୁଣାରେ
ପୋଛିଡିଆ ଲୁହ ଯେତେ
ପଣତ କାନିରେ ।
କରୁଛି ମା ଅଳି ଆଜି
ସୃଷ୍ଟି କର ତମେ ଏକ
ନୂତନ ପୃଥିବୀ
ହିଂସା ଦ୍ୱେଷ ଛଳନା ରୁ
ସିଏ ଥାଉ ବହୁତ ଉର୍ଦ୍ୱରେ ।
ଶାନ୍ତିର ବାର୍ତ୍ତା ନେଇ
ପ୍ରିତିଫୁଲ ଝରୁ
ପ୍ରତି ହୃଦୟ କନ୍ଦରେ ।
ଦଶଭୁଜା ଦୁର୍ଗା ମାତ
ମଙ୍ଗଳ ମୟୀ ସାଜି
ଦୁର୍ନିତି ରାକ୍ଷସ ଗଣେ
କର ଗୋ ନିପାତ ,
ଶୋଷଣ କଷଣ ସବୂ
ହୋଇ ଯାଉ ଲୁପ୍ତ ।
ତୁମର ଏ ଆଗମନେ
ପୁରେ ପୁରେ ଶୁଭ ଶଙ୍ଖ
ହେଉ ନିନାଦିତ ।
ଉଆଁସ ଅନ୍ଧାର ନାସି
ପୂର୍ଣ୍ଣମୀର ଜହ୍ନ ଉଇଁ ଯାଉ
ଦୁର୍ଗତି ନାଶିନୀ ବୋଲି
ତବ କୀର୍ତ୍ତି ଯୁଗେ ଯୁଗେ ଥାଉ ।
ନିରାକାରପୁର , ଖୋର୍ଦ୍ଧା
