ଓଡ଼ିଶାରେ ପ୍ରଥମ ଦଶହରା
କବି ସୌରଭ ବୈଜୟନ୍ତୀ ମାଳା ମହାପାତ୍ର
ଓଡ଼ିଶାର ବଡ ପର୍ବ ବଢାଏ ଆମ ଗୌରବ
ବିଜୟା ଦଶମୀ ବୋଲି ନାମ ଟି ବହି
ଆଶ୍ୱିନ ଶୁକ୍ଳ ପକ୍ଷରେ ଶୁଭ ଦଶମୀ ତିଥିରେ
ଦଶହରା ଦୁର୍ଗାପୂଜା ଅଟଇ ଏହି
ଅତି ଶୁଭ ଦିନଟି ଇଏ,
ଓଡ଼ିଶାର ଘରେ ଘରେ ପାଳିତ ହୁଏ….. (୧)
ଭାଇଚାରା ଭାବ ଧରି ଓଡ଼ିଶାର ନର ନାରୀ
ହର୍ଷ ଉଲ୍ଲାସରେ ଏହି ପର୍ବ ପାଳନ୍ତି
କିଏ ସକୁତୁମ୍ବ ନେଇ ପୁଣି ନବାନ୍ନକୁ ଖାଇ
ବନ୍ଧୁ ବାନ୍ଧବ ସହିତ ଖୁସୀ ମନାନ୍ତି
ଶରତରେ ଶକ୍ତିଙ୍କ ପୂଜା,
ଶାରଦୀୟ ପାର୍ବଣ ଏ ଉଡ଼ାଏ ଧ୍ଵଜା…. (୨)
ଅଧର୍ମ ବିନାଶ ପାଇଁ ଏହି ଦିନ ମହାମାୟୀ
ରାବଣ ବିନାଶି ଥିଲେ ରାମ ହାତରେ ,
ଦୁର୍ଗା ଦୁର୍ଗତି ନାଶିନୀ ଯିଏ ଜଗତ ଜନନୀ
ଶରଣରକ୍ଷଣୀଙ୍କର ଚରଣ ଧରେ
ଜଗତର ମଙ୍ଗଳ କରି,
ନିର୍ଭୟରେ ରଖନ୍ତୁ ସେ ଆଶିଷ ଭରି…(୩)
ଫୁଲବାଣୀ, କନ୍ଧମାଳ