ଜଣାଣ

ମାନଗୋବିନ୍ଦ ସ୍ବାଇଁ

ଦୁର୍ବଳ ହେଲାଣି ଶରୀର ମୋହର

        କିଏବା ଦେବ ଶକତି

ଏକା ତୁମେ ପ୍ରଭୁ ମୋ ପାଇଁ ଭରସା 

   ବାଢୁଛି ମୋର ଭକତି।

ତୁମ ଆଶା ଚଳେ ଭଲମନ୍ଦ କଥା

         କିଏ ବୁଝିବ ଖବର

ତୁମ ନାମ ଧରି ଚାଲୁ ଯେତେ ଦିନ

       ଭରସା ମୋର ଈଶ୍ୱର।

ଦୁଃଖ ର ସଂସାର ତୁମରି ଆଗରେ

       ଦେଖି ପାର ସବୁ କିଛି

ଦେଉଳ ଚୂଳରେ ବାନା ଉଡୁ ଅଛି

   ଭକ୍ତ ଦୁଃଖ ନିଏ ପୋଛି।

ପାଦୁକା ତା ପାଇଁ ପବିତ୍ର ସଂସ୍କାର

     ଭଜନ ଭକ୍ତି ଈଶ୍ୱର

ସଂଗୀତ କୀର୍ତ୍ତନ କାନକୁ ଶୁଦ୍ଧତା

     କଣ୍ଠ ଦିଅ ମୋ ମଧୁର।

ଭାବରେ ଗାଇବି ଭାବରେ ଭଜିବି

   ଭକ୍ତିରେ ଯାଉଛି ମିଶି

ସୁଖ ଶାନ୍ତି ଦିଅ ଧରଣୀ ବାସୀଙ୍କୁ

     ଜଗତ ଉଠିବ ହସି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା