ଏମିତି କାହିଁକି ହୁଏ?
ଝିଅ କଥାରେ ଯେ
ଜ୍ବାଇଁ ଚାଲୁଥିଲେ
ମାଆ ମନ ଖୁସି ହୁଏ,
ବୋହୂ କଥାରେ ଯେ
ପୁଅ ଚାଲୁଥିଲେ
ମା ମନ ବିଦାରି ହୁଏ?
ସତରେ ଏମିତି କାହିଁକି ହୁଏ?
ନିଜ ବାପ ମାଆ
କଥା ଆଲୋଚନା
ବୋହୂ ମନେ ଖୁସି ଦିଏ,
ଶାଶୁ ଶ୍ୱଶୁରଙ୍କ
କଥା ପଡିଗଲେ
ବୋହୂର ନାଇ ଡିଆଁଏ।
ଏମିତି କାହିଁକି ହୁଏ?
ଶଳା ଶାଳୀ କଥା
ସ୍ତ୍ରୀ ସାଥେ ହେଲେ
ସ୍ତ୍ରୀ ମନ ନାଚେ ଖୁସିରେ,
ସ୍ତ୍ରୀ ଙ୍କୁ ଦିଅର ବା
ନଣନ୍ଦ କହିଲେ
ରକତ ଗରମ ହୁଏ।
ଏମିତି କାହିଁକି ହୁଏ?
ଶାଶୁ ଶ୍ୱଶୁର ଙ୍କ
ଆବଶ୍ୟକ ହେଲେ
ଜ୍ବାଇଁ ର ପାଇସା ଥାଏ,
ବାପା ମାଆ ଙ୍କ ର
ବହୁ ଆବଶ୍ୟକେ
ପଇସା ନିଅଣ୍ଟ ହୁଏ।
ଏମିତି କାହିଁକି ହୁଏ?
ପ୍ରସନ୍ନ କୁମାର ସାହୁ
ବ୍ରହ୍ମପୁର,ଗଞ୍ଜାମ
