ଲଙ୍ଗଳେଶ୍ଵର ,22/12/22-(ମ ନି ସ ) ଚଳିତ ବର୍ଷ ବାରମ୍ବାର ଲଘୁଚାପ ଜନିତ ବର୍ଷା ଫଳରେ ବାଲିଆପାଳ ବ୍ଲକ ରେ ଥିବା 28 ଗ୍ରାମ ପଂଚାୟତ ରୁ କିଛି ଗ୍ରାମ ପଂଚାୟତ ରେ ବହୁତ କ୍ଷୟକ୍ଷତି ହୋଇଥିଲା l ସୂଚନାରୁ ପ୍ରକାଶ ବନ୍ୟାରେ ଚାଷ ଧୁଇଯାଇଥିବା ପଂଚାୟତ ଭିତରେ ବାଲିକୁଟି ଓ ବଣିଆଡିହା ଗ୍ରାମ ପଂଚାୟତ ଅନ୍ତର୍ଭୂକ୍ତ ରହିଛି l ଚାଷୀମାନଙ୍କ ଖେତୀ ପାଇଁ ସରକାର କିଛି ଅନୁକମ୍ପା ରାଶି ଦେଇଥିବା ବେଳେ ଏହି ଦୁଇଟି ପଂଚାୟତ ରେ ଥିବା କିଛି ଗାଁକୁ ରିଲିଫ ମିଳିନଥିବାରୁ ବ୍ଲକ ଆଗରେ ବହୁ ମହିଳା, ପୁରୁଷ ଓ ଲୋକପ୍ରତିନିଧି ମାନେ 10ଟା ରୁ ଚାରିଟା ପ୍ରଯ୍ୟନ୍ତ ଧାରଣାରେ ବସି ରହି ଥିବା ଦେଖିବାକୁ ମିଳିଥିଲା l 
ଅଗଷ୍ଟ 22ରେ ବନ୍ୟା ହୋଇଥିଲା ବେଳେ ଆଜକୁ ପାଞ୍ଚମାସ ହୋଇଗଲା କିନ୍ତୁ ପଂଚାୟତରେ ଥିବା ଗାଁ ଗୁଡିକୁ କ୍ଷତି ପୂରଣ ରାଶି ମିଳିନାହିଁ l ବନ୍ୟା ରିଲିଫ ମିଳିନଥିବାରୁ ଦୁଇ ପଂଚାୟତର ସରପଞ୍ଚ ବିଡ଼ିଓ ଙ୍କୁ ଅବଗତ କରାଇବା ପରେ ବିଡ଼ିଓ ଆସିବାକୁ କହି ଅନୁପସ୍ଥିତ ରହିବାକୁ ନେଇ ବ୍ଲକ ପରିସରରେ ପଂଚାୟତ ରୁ ଆସିଥିବା ଶହେରୁ ଅଧିକ ପୁରୁଷ ଓ ମହିଳାମାନଙ୍କ ସହିତ ପିଏସ ସଦସ୍ୟ, ସରପଞ୍ଚ ବିଡ଼ିଓ ଚେମ୍ବର ଆଗରେ ହୋ ହାଲା କରୁଥିବା ଦେଖିବାକୁ ମିଳିଛି l ଏହି ପଇସା ଦେବାରେ ରାଜନୀତି କରଣ କରୁଥିବା ର ପଂଚାୟତ ବାସୀ ଅଭିଯୋଗ କରିଛନ୍ତି l ବିଡ଼ିଓ କୁ ଫୋନ କରିବାରୁ ମୁଁ ଯାଉଛି, ଜରୁରୀ କାମରେ ଅଛି କହି ଚାରିଟା ସମୟରେ ଆସି 19 ଲକ୍ଷ 56 ହଜାର ଟଙ୍କା ଥିଲା ତେଣୁ କିଛି ଗ୍ରାମକୁ ଟଙ୍କା ଦିଆଯାଇଛି l ରିକ୍ୱାରମେଣ୍ଟ ଦିଆଯାଇଛି ଟଙ୍କା ଆସିଲେ ବାକି ଗ୍ରାମକୁ ଡିସେମ୍ବର ଶେଷ ସୁଦ୍ଧା ଦିଆଯିବ ବୋଲି ବିଡ଼ିଓ ବିନୋଦ ପଣ୍ଡା ପ୍ରତିଶୃତି ଦେଇଥିବା ପରେ ଗଣ୍ଡଗୋଳ ଶାନ୍ତ ପଡିଥିଲା l ଦେଖିବାକୁ ବାକିରହିଲା କେବେ ଏହାର ସମାଧାନ ହେଉଛି l
ବାଲିଆପାଳ ରୁ ଦିଲୀପ କୁମାର ଜେନା ଙ୍କ ରିପୋର୍ଟ୍
