ପାପଡାହାଣ୍ଡି,23/12, ମନିସ – ପାପଡାହାଣ୍ଡିରେ ଚାଷୀକୁ ଋଣ ଟଙ୍କା ଦେବାରେ କେସିସି ବ୍ୟାଙ୍କରେ ବିଳମ୍ବ କରୁଥିବା ଘଟଣା ଗୁରୁବାର ବିଭିନ୍ନ ଗଣମାଧ୍ୟମ ଖବର ପ୍ରକାଶ ପାଇବା ପରେ ଶୁକ୍ରବାର ଦୁଇ ଚାଷୀଙ୍କୁ ରଣ ଟଙ୍କା ପ୍ରଦାନ କରଯାଇଛି | ଏନେଇ କେସିସି ବ୍ୟାଙ୍କ 5 ଜଣ ଚାଷୀ କୁ ଯୋଗାଯୋଗ କରିଥିଲା ମଇଦଲପୁର ଲ୍ୟାମ୍ପ ନିର୍ଦେଶକ ଶ୍ରୀକାନ୍ତ ମିଶ୍ର ସହ ପାଞ୍ଚ ଜଣ ଚାଷୀ କେସିସି ବ୍ୟାଙ୍କ କୁ ପହଞ୍ଚି ଥିଲେ | 
ବ୍ୟାଙ୍କ କତୃପକ୍ଷ ସମସ୍ତ କାଗଜପତ୍ର ଠିକ କରି ଦଶରାଭଟ୍ଟା ସେବିକା ମିର୍ଗାନ ଓ କଣ୍ଟାମାଲର କମଳା ମାଝୀ ଙ୍କୁ 10 ହଜାର ଲେଖାଏଁ ଋଣ ପ୍ରଦାନ କରିଥିଲା | ବଳକା 3 ଜଣ କୁ ଛୁଟି ପରେ ଋଣ ଟଙ୍କା ଦିଆଯିବ ବୋଲି ସୂଚନା ମିଳିଛି | ସୂଚନା ଅନୁଯାୟୀ ପାପଡାହାଣ୍ଡି ବ୍ଲକ ମଇଦଲପୁର ଲ୍ୟାମ୍ପ ଅଧୀନରେ ରହିଥିବା 5 ଜଣଙ୍କ ଚାଷୀ 2019 ମସିହାରେ ଚାଷ ଋଣ କରିଥିଲେ | କିନ୍ତୁ ପାଞ୍ଚ ଜଣ କୌଣସି ବ୍ୟାକ୍ତିଗତ କାରଣ ରୁ ଲୋନ ଟଙ୍କା ଉଠେଇନଥିଲେ | ଏହି ଚାଷୀ ମାନେ କିନ୍ତୁ ବର୍ତମାନ ଏକ ମାସ ତଳେ ଏହି ପାଞ୍ଚ ଜଣ କେସିସି ବ୍ୟାଙ୍କ କୁ ଋଣ ଟଙ୍କା ଉଠେଇବା ପାଇଁ ଆସିଥିଲେ |
ଏହା ନେଇ ବ୍ୟାଙ୍କ କତୃପକ୍ଷ କେୱାସି ଫର୍ମ ଦେବା ପାଇଁ କହିଥିଲେ | ବ୍ୟାଙ୍କ କତୃପକ୍ଷ ଏହି ପାଞ୍ଚ ଜଣ କୁ ସୂଚନା ଦେଇଥିଲେ ଜେ ଆପଣ ଆକାଉଣ୍ଟ ରେ ଏହି ଟଙ୍କା ଜମା ରହିଛି କିନ୍ତୁ ଚାଷୀ ଅଭିଯୋଗ କରିଛନ୍ତି ଜେ ଏକ ମାସ ତଳେ ଦୁଇ ଥର କେୱାସି ଫର୍ମ ଦେଇଛନ୍ତି ଓ ଏହା ସ୍ୱତ୍ତ୍ୱେ ଏକ ସପ୍ତାହ ହେଲା ସେ ଟଙ୍କା ଉଠାଣ ପାଇଁ ଆସିଲେ ବ୍ୟାଙ୍କ କତୃପକ୍ଷ ଦେଉନଥିବା ଅଭିଯୋଗ କରିଥିଲେ | ମଇଦଲପୁର ଲ୍ୟାମ୍ଫ ନିର୍ଦେଶକ ଶ୍ରୀକାନ୍ତ ମିଶ୍ର ଏହାର ତଦନ୍ତ ଦାବି କରିଥିଲେ | ଏନେଇ ଗୁରୁବାର ଦିନ ଗଣମାଧ୍ୟମ ଖବର ପ୍ରକାଶ ପାଇବା ପରେ ବ୍ୟାଙ୍କ କତୃପକ୍ଷ ଶୁକ୍ରବାର ଦିନ ଚାଷୀ ଙ୍କ ଋଣ ଟଙ୍କା ପ୍ରଦାନ କରିଛନ୍ତି | ଏନେଇ ସେବିକା ମିର୍ଗାନ ଓ କମଳା ମାଝୀ ଓ ଲ୍ୟାମ୍ପ ନିର୍ଦେଶକ ଶ୍ରୀକାନ୍ତ ମିଶ୍ର ଗଣମାଧ୍ୟମ କୁ ଧନ୍ୟବାଦ ଜଣେଇଛନ୍ତି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
