ଭବାନୀପାଟଣା:୩୧/୧୨ – ୧ ଜୁଲାଇ ୨୦୨୨ ରଥଯାତ୍ରା ଅବସରରେ ନିଜ ଝିଅ ଘରକୁ ଯାଇଥିବା ସମୟରେ କନ୍ଦାଗଡ ଗାଁ ର କୃଷ୍ଣଚନ୍ଦ୍ର ମାଝୀଙ୍କ ମୋଟର ସାଇକଲକୁ ଭୂର୍ଷାଗୁଡା ଛକରେ ଧକ୍କା ଦେଇଥିଲା ଆମପାଣି ଥାନାର ପୋଲିସ ଗାଡି ଯାହାର ନମ୍ବର 0D.05.Y. 4881। ଏହି ଘଟଣାରେ କୃଷ୍ଣଚନ୍ଦ୍ର ଙ୍କ ପତ୍ନୀ କିଆମାଝୀ ମୃତ୍ୟୁବରଣ କରିଥିବା ବେଳେ କୃଷ୍ଣଚନ୍ଦ୍ର ଓ ତାଙ୍କ ଝିଅ ଗୁରୁତର ଆହତ ହୋଇଥିଲେ। ଏହି ଘଟଣା ବାବଦରେ ୩୦ ଡିସେମ୍ବର ୨୦୨୨ ରେ କଳାହାଣ୍ଡି ଆରକ୍ଷୀ ଅଧିକ୍ଷକ ଓ ଓଡିଶା ପୋଲିସ ମହାନିର୍ଦ୍ଦେଶକ ଙ୍କୁ ନୋଟିସ ଜାରିକରି ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ଜାତୀୟ ମାନାଧିକାର କମିଶନ।
୧ ଜୁଲାଇ ୨୦୨୨ ରେ ଏହି ଘଟଣା ଘଟିବା ପର ଦିନ ୨ ଜୁଲାଇ ୨୦୨୨ ରେ ମାନବ ଅଧିକାର କର୍ମୀ ଦିଲ୍ଲୀପ କୁମାର ଦାସ ମାନବ ଅଧିକାର କମିଶନଙ୍କ ନିକଟରେ ଅଭିଯୋଗ ଦାଖଲ କରି ସମ୍ପୃକ୍ତ ପୋଲିସ କର୍ମଚାରୀଙ୍କ ବିରୁଦ୍ଧରେ ହତ୍ଯା ମାମଲା ରୁଜୁ କରିବା ସହିତ ପୀଡିତ କୃଷ୍ଣଚନ୍ଦ୍ର ମାଝୀ ଙ୍କ ପରିବାର କୁ କ୍ଷତିପୂରଣ ଦେବା ପାଇଁ ନିର୍ଦ୍ଦେଶ ଦେବାକୁ କମିଶନଙ୍କ ନିକଟରେ ଦାବି ରଖିଥିଲେ। ଏହି ଅଭିଯୋଗକୁ କେସ ନମ୍ବର ୩୨୫୦/୧୮/୬/୨୦୨୨ ଭାବରେ ପଞ୍ଜିକରଣ କରି ମାନବ ଅଧିକାର କମିଶନ ଉପରୋକ୍ତ ନୋଟିସ ଜାରି କରି ୪ ସପ୍ତାହ ମଧ୍ୟରେ ରିପୋର୍ଟ ତଲବ କରିଥିବା ଜଣାପଡିଛି।
ମସିହା ନିଉଜ ସର୍ଭିସ୍
