ନର୍ଲା-(ମନିସ) ନର୍ଲା ହାଇସ୍କୁଲ ଖେଳ ପଡ଼ିଆରେ ଚାଲିଥିବା ପ୍ରଜ୍ଞା ମେମୋରିଆଲ ରାଜ୍ୟ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଏକ ରୋମାଞ୍ଚକର ଖେଳ ମଙ୍ଗଳବାର ଦିନ ଅନୁଷ୍ଠିତ ହୋଇଥିଲା। ଏଥିରେ କୋରାପୁଟ ଓ କଣ୍ଟାବାଞ୍ଜି ଦଳ ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ହୋଇ ଶେଷରେ କଣ୍ଟାବାଞ୍ଜି ବିଜୟୀ ହୋଇଛି। କଣ୍ଟାବାଞ୍ଜି ଦଳ ୨-୦ ଗୋଲରେ କୋରାପୁଟକୁ ପରାସ୍ତ କରି ସେମି ଫାଇନାଲକୁ ପ୍ରବେଶ କରିଛି। 
ଆଜିର ଏହି ଖେଳଟିକୁ ନବୀନ ନାଏକ ପରିଚାଳନା କରିଥିବା ବେଳେ ସୁରେଶ ନାଏକ ଓ ଛବି ନାଏକ ସହଯୋଗ ପ୍ରଦାନ କରିଥିଲେ। ଅତିଥି ଭାବେ ଶିକ୍ଷାବିତ ବଦ୍ରି ମିଶ୍ର, ନର୍ଲା ବ୍ଳକ ଉପାଧ୍ୟକ୍ଷ ଦୂର୍ଗା ପ୍ରସାଦ ମହାନ୍ତି, ଶିଳ୍ପପତି ବିମଳ କେଡିଆ, ନର୍ଲା ଆଇଆଇସି ଗଙ୍ଗାଧର ମେହେର ଓ କେସିଙ୍ଗା ଏସଡିପିଓ ଯୋଗଦାନ କରି ଖେଳାଳିଙ୍କୁ ଉତ୍ସାହିତ କରିଥିଲେ। ଆସନ୍ତା କାଲି ଯେଉଁ ଦଳ ବିଜୟୀ ହେବ ସେହି ଦଳ ୧୯ ତାରିଖ ଦିନ ବଲାଙ୍ଗୀର ଦଳକୁ ଭେଟିବାର ସମ୍ଭାବନା ରହିଛି। 
ଦୀପକ କୁମାର ଠାକୁର ନର୍ଲା ମସୀହା ପ୍ରତିନିଧି
