ପାପଡାହାଣ୍ଡି,31/1, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଶିରିଶି ପଂଚାୟତ ସୋରିଷ ପଦର ଗ୍ରାମ ନିକଟରେ ଥିବା ଏକ ଜମିରେ ମଙ୍ଗଳବାର ଜଣେ ପ୍ରେମିକାର ମୃତ ଦେହ ସହ ପ୍ରେମିକର ରକ୍ତାକ୍ତ ଶରୀର ଉଦ୍ଧାର କରିଛି ପୋଲିସ | ଗୁରୁତର ପ୍ରେମିକକୁ ପ୍ରଥମେ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ପରେ ଜିଲ୍ଲା ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା ପରେ ଅଧିକ ଚିକିତ୍ସା ପାଇଁ କୋରାପୁଟ ପଠାଯାଇଛି | ପ୍ରେମିକ ତଣ୍ଡାଗୁଡା ଗ୍ରାମର କମଳସିଂ ଅମନାତ୍ୟ ଓ ପ୍ରେମିକା ସୋରିଷ ପଦର ଗ୍ରାମର କବିତା ଭତରା ବୋଲି ଜଣାପଡିଛି | ଉଭୟ ତଣ୍ଡାଗୁଡା ଗ୍ରାମରେ ଏକ ସିମେଣ୍ଟ ତିଆରି ଦୋକାନରେ କାମ କରୁଥିଲେ | ଗ୍ରାମବାସୀ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଁଚି ୟୁଡ଼ି କେସ ନମ୍ବର 2/23 ରେ ମାମଲା ରୁଜୁ କରି ମୃତ ପ୍ରେମିକା ଙ୍କ ଶବ ବ୍ୟାବଛେଦ ଲାଗି ନବରଙ୍ଗପୁର ପଠାଇଛି | ଖବର ଲେଖା ଶେଷ ସୁଦ୍ଧା ବ୍ୟାବଛେଦ ହୋଇନଥିବା ଜଣାପଡିଛି | ନିକଟସ୍ତ ଗଛରେ ପ୍ରେମିକା ଜଣକ ଝୁଲି ପଡ଼ିଥିବା ସନ୍ଦେହ କରାଯାଉଛି | ପ୍ରେମିକ ବ୍ଲେଡ ସାହାଯ୍ୟରେ ନିଜର ବେକକୁ କାଟି ରକ୍ତାକ୍ତ ହୋଇ ପଡିଥିଲା | ପ୍ରେମିକାର ମୁଣ୍ଡରେ ରକ୍ତ ଲାଗିଛି | ଘଟଣାସ୍ଥଳକୁ ପୋଲିସ ଏଏସଆଇ ଲାବଣ୍ୟ ବେମାଲ ନବରଙ୍ଗପୁର ମେଡିକାଲରେ ରହିଥିବା ବେଳେ ଏଏସଆଇ ହରିହର ଭତରା ସାଇଣ୍ଟିଫିକ ଟିମ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି | ତଦନ୍ତ ପରେ ପ୍ରକୃତ କଥା ଜଣାପଡିବ | ପ୍ରେମିକା ଜଣକ ଗଛରେ ଝୁଲିବା ଦେଖି ପ୍ରେମିକ ଜଣକ ଭାରସାମ୍ୟ ହରାଇ ତାକୁ ଗଛରୁ ଓଲ୍ହାଇ ପରେ ନିଜେ ବ୍ଲେଡରେ ବେକ କୁ କାଟିଥିବ ବୋଲି ଆଇଆଇସି ଦୀପକ ଜେନା ସୂଚନା ଦେଇଛନ୍ତି | ଝିଅ ରାତିରୁ ନିଖୋଜ ଥିବା ପରିବାର ଲୋକ ସୂଚନା ଦେଇଛନ୍ତି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
