ଜୟପାଟଣା:୩୧/୦୨(ମ ନି ସ ) କଳାହାଣ୍ଡିର ଅନ୍ୟତମ ଜମିଦାର ଶାସନ ଅମଳର ପୁରୁଣା ସହର ଜୟପାଟଣା । ଏହି କ୍ଷୁଦ୍ର ସହରର ଇତିହାସ ବହୁତ ପୂରାତନ । ତଥାପି ଜୟପାଟଣା ବ୍ଲକ ଜିଲ୍ଲାରେ ଉପେକ୍ଷିତ । ଦିନ ଥିଲା ଜିଲ୍ଲାର ଅନ୍ୟତମ ଅଗ୍ରଣୀ ସ୍ୱାସ୍ଥ୍ୟକେନ୍ଦ୍ର ଭାବେ ଜୟପାଟଣା ପରିଗଣିତ ହେଉଥିଲା । କିନ୍ତୁ ବିଡମ୍ବନା ର ବିଷୟ ଦିନକୁ ଦିନ ସଭ୍ୟତା ଆଧୁନିକ କରଣ ହେବାବେଳକୁ ଏହି ସ୍ବାସ୍ଥ୍ୟକେନ୍ଦ୍ରର ଅବସ୍ଥା ସଂକଟାପର୍ଣ୍ଣ ହୋଇଯାଉଛି । 
ଏହି ସହର କଲମପୁର, କୋକସରା,ଥୁଆମୂଳ ରାମପୁର ବ୍ଲକକୁ ସଂଯୋଗ ହୋଇଛି । ବର୍ତ୍ତମାନ ନବରଙ୍ଗପୁର ଜିଲ୍ଲାକୁ ମଧ୍ୟ ରାସ୍ତା ସଂଯୋଗିକରଣ ହୋଇ ସାରିଛି । ଏହି ସହର ବୈବସାୟୀକ ଦୃଷ୍ଟିରୁ ଗୁରତ୍ୱ ଭୂମିକା ନେଉଥିବାରୁ ଆଖପାଖ ଅଞ୍ଚଳରୁ ଦୈନିକ ପ୍ରବଳ ଜନସମାଗମ ହୋଇଥାଏ । ଏହି ସହର ସ୍ୱାସ୍ଥ୍ୟଗତ ସମସ୍ୟାର ସମାଧାନ ପାଇଁ ଅନୁକୂଳ ନୁହେଁ । ଜିଲ୍ଲା ସଦର ମହକୁମା ଭାବାନିପାଟଣା ଏଠାରୁ ୮୦କି.ମି ଦୂରରେ ଥିବାରୁ ବିଶେଷ କରି ପ୍ରସୂତି ସମସ୍ୟା ଓ ଶିଶୁ ମାନଙ୍କର ସ୍ୱାସ୍ଥ୍ୟଗତ ସମସ୍ୟା ପାଇଁ ନାହିଁ ନଥିବା ଅସୁବିଧାର ସମ୍ମୁଖିନ ହେବାକୁ ପଡେ । 
ତେଣୁ ଜଣେ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡାକ୍ତର ଏବଂ ଜଣେ ଶିଶୁ ବିଶେଷଜ୍ଞ ଡାକ୍ତରଙ୍କର ବ୍ୟବସ୍ଥା ସ୍ଥାନୀୟ ସ୍ୱାସ୍ଥ୍ୟକେନ୍ଦ୍ରରେ ହୋଇପାରିଲେ ଜନସାଧାରଣ ଆଶ୍ବସ୍ତି ଲାଭ କରନ୍ତେ । ସ୍ଥାନୀୟ ଜନପ୍ରତିନିଧି ,ବିଧାୟକ ତଥା ବିଭାଗୀୟ କତ୍ତୃପକ୍ଷ ଏପରି ସମ୍ବେଦନଶୀଳ ବିଷୟ ପ୍ରତି ଗୁରୁତ୍ୱ ଦେଇ ଆନ୍ତରିକ ଉଦ୍ୟମ କଲେ ଅଞ୍ଚଳ ବାସୀଙ୍କର ବଡ଼ ସମସ୍ୟା ଦୂର ହୋଇପାରନ୍ତା । ଏହି ସ୍ୱାସ୍ଥ୍ୟ କେନ୍ଦ୍ର ପାଖାପାଖି ଶୌଚାଳୟ ଟିଏ ଏବଂ ଆଧାର କେନ୍ଦ୍ର ଟିଏର ମଧ୍ୟ ଆବଶ୍ୟକତା ରହିଛି । ଏଥିପ୍ରତି ସଦୟ ଦୃଷ୍ଟି ଦେବାପାଇଁ ସାଧାରଣରେ ଦାବି ହେଉଛି ।
ଜଗମୋହନ ପଟ୍ଟନାୟକ (ବରିଷ୍ଠ ସାମ୍ବାଦିକ)
