ଧର୍ମଗଡ଼:୦୩/୨/୨୩ :କଳାହାଣ୍ଡି ଜିଲ୍ଲାର ବିଭିନ୍ନ ମଣ୍ଡିରେ ଦେଖାଦେଇଥିବା ସମସ୍ୟା ଓ କେନ୍ଦ୍ର ଦ୍ବାରା ଆଗତ ବଜେଟ ବିରୁଦ୍ଧରେ ଧର୍ମଗଡ଼ ଯୁବ କଂଗ୍ରେସ ପକ୍ଷରୁ ଶୁକ୍ରବାର ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ଧର୍ମଗଡ଼ ନିର୍ବାଚନ ମଣ୍ଡଳୀ ଯୁବ କଂଗ୍ରେସ ସଭାପତି ଡାକେଶ୍ଵର ଲହଜଲଙ୍କ ନେତୃତ୍ୱରେ ଆୟୋଜିତ ଏହି ବିକ୍ଷୋଭ ପ୍ରଦର୍ଶନରେ ଜିଲ୍ଲା ପ୍ରବକ୍ତା ବେଣୁପାଣି ଦୁର୍ଗା, ଜିଲ୍ଲା ସାଧାରଣ ସମ୍ପାଦକ ରାଜେଶ ବଗର୍ତ୍ତି, ଜୁନାଗଡ଼ ନିର୍ବାଚନ ମଣ୍ଡଳୀ ସଭାପତି ଅନିଲ ମଲିକ, ଧର୍ମଗଡ଼ ଯୁବ କଂଗ୍ରେସ ସଭାପତି ଗୁଣ ଶବର, ଜଗନ୍ନାଥ ସତନାମୀ, ଲକ୍ଷଣ ବେମାଲ, ଦେବରାଜ ଭାଟି, ସରୋଜ କୁମାର, ଅଜୟ ପୁଝାରୀ ଓ ଅନ୍ୟ ମାନେ ସାମିଲ ହୋଈ ଥିଲେ। 
ଯୁବ କଂଗ୍ରେସ ଅଭିଯୋଗ କରିଛି ଯେ କଳାହାଣ୍ଡି ଜିଲ୍ଲା ର ବିଭିନ୍ନ ମଣ୍ଡିରେ ହଜାର ହଜାର ବସ୍ତା ଧାନ ଉଠି ନପାରି ପଡ଼ି ରହିଛି। ଯେଉଁ ଧାନ ବିକ୍ରି ହୋଇସାରିଛି ୧୫ ଦିନ ପରେ ମଧ୍ୟ ଚାଷୀ ତାର ପ୍ରାପ୍ୟ ପାଇପାରୁନାହି । ବଳକା ଧାନ ଉଠାଣ ସହ ଚାଷୀଙ୍କୁ ତୁରନ୍ତ ପ୍ରାପ୍ୟ ପ୍ରଦାନ କରିବାକୁ ଯୁବ କଂଗ୍ରେସ ଦାବି କରିଛି । ଏହା ସହ ସଦ୍ୟ ପାରିତ ହୋଇଥିବା ବଜେଟ ଏକ ଜନ ବିରୋଧ ବଜେଟ ବୋଲି କଂଗ୍ରେସ ଅଭିଯୋଗ କରି ଏହି ବଜେଟ ଗରିବ ଓ କୃଷକ ବିରୋଧୀ କେବଳ ପୁଞ୍ଜି ପତି ଙ୍କୁ ସୁହାଇଲା ଭଳି ଏହା ପ୍ରସ୍ତୁତ ହୋଇଛି ବୋଲି ଯୁବ କଂଗ୍ରେସ ପକ୍ଷରୁ କୁହା ଯାଇଛି।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
