ନର୍ଲା/ଭବାନୀପାଟଣା (ମନିସ) ଭବାନିପାଟଣା ବ୍ଲକ୍ ଅନ୍ତର୍ଗତ ଭବାନିପୁର ଠାରେ କୁଲତା ଯୁବ ଶକ୍ତି ଓଡିଶା ଶାଖା କଳାହାଣ୍ଡିର ସାଙ୍ଗଠନିକ ବୈଠକ କୁଲତା ଯୁବ ଶକ୍ତି ଓଡିଶାର ସଭାପତି ଉମେଶ ଚନ୍ଦ୍ର ପଧାନଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା । ଏହି ବୈଠକରେ ଜିଲ୍ଲାର ବିଭିନ୍ନ ପ୍ରାନ୍ତରୁ ଯୁବକଯୁବତୀମାନେ ଯୋଗ ଦେଇଥିଲେ । ଏହି ବୈଠକରେ କୁଲତା ଯୁବ ଶକ୍ତି କଳାହାଣ୍ଡି ଶାଖାର କମିଟି ଗଠନ , ବିଭିନ୍ନ ବିଭାଗର କାର୍ଯ୍ୟକ୍ରମର ରୂପରେଖ ଉପରେ ଆଲୋଚନା କରାଯାଇଥିଲା । ଏଥିରେ ସର୍ବସମ୍ମତ ଭାବରେ କେରୋକୁଡା ଗ୍ରାମର ତେଜରାଜ ସା ଙ୍କୁ କୁଲତା ଯୁବ ଶକ୍ତି କଳାହାଣ୍ଡି ଶାଖାର ଜିଲ୍ଲା ମୁଖ୍ୟ ସଂଯୋଜକ ଭାବରେ ମନୋନୀତ କରାଗଲା । ଏହି ବୈଠକରେ କୁଲତା ଯୁବ ଶକ୍ତି କଳାହାଣ୍ଡି ଶାଖାର ୫୦ ଜଣିଆ ଜିଲ୍ଲା କମିଟି ଗଠନ କରାଯିବା ସହ ବିଭିନ୍ନ ଦାୟିତ୍ବ ଅର୍ପଣ କରାଯାଇଥିଲା । ବୈଠକରେ କୁଲତା ଯୁବ ଶକ୍ତି ଓଡିଶାର ଉପଦେଷ୍ଟା ହରେକୃଷ୍ଣ ଭୋଇ, ଜୋନ୍ ୧ ସଭାପତି ଡୋଲାମଣି ପ୍ରଧାନ,ରାଜ୍ୟ କୃଷି ସଂଯୋଜକ ସନ୍ତୋଷ ପଧାନ ତଥା ଯୁବ ଶକ୍ତି କଳାହାଣ୍ଡି ଜିଲ୍ଲାର ସକ୍ରିୟ ସଦସ୍ୟସଦସ୍ୟାମାନେ ଯୋଗଦେଇଥିଲେ । ଏହି କାର୍ଯ୍ୟକ୍ରମକୁ କୁଲତା ଯୁବ ଶକ୍ତି ଓଡିଶାର ସାଧାରଣ ସଂପାଦକ ହରିସ୍ ଚନ୍ଦ୍ର ନାଏକ ସଂଯୋଜନା କରିଥିବା ବେଳେ ସୁଜାନପୁର ଓ ଗୋଡଭଟା ଗ୍ରାମର ଯୁବକମାନେ ସହଯୋଗ କରିଥିଲେ ।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
