ତିର୍ତ୍ତୋଲ :- 12/02/23 -:ବାସ୍ତବରେ ସ୍କୁଲ କଲେଜ ଲାଇଫ କେତେ ଆନନ୍ଦ ଦାୟକ ! ହଜିଯାଇଥିବା ସ୍ମୃତିକୁ ସାଉଁଟିବାକୁ ଇଛା ଥିଲେ ବି ବେଳେବେଳେ ସମୟ ସୁବିଧା ଦେଇ ନଥାଏ ! କର୍ମମୟ ଜୀବନର ସମୟ ସରିସରି ଆସୁଥିବା ବେଳେ କେହି କେହି ସାଙ୍ଗସାଥି ଅବସର ବିନୋଦନ ପାଇଁ ଆୟୋଜନ କରିଥାନ୍ତି ବନ୍ଧୁ ମିଳନ ! ସେଇପରି ସ୍ମୃତି ବହନକାରୀ ବନ୍ଧୁମିଳନ ର ଆୟୋଜିତ ହୋଇଥିଲା ଜଗତସିଂହପୁର ଜିଲ୍ଲାର ତିର୍ତ୍ତୋଲ ସ୍ଥିତ ଆନନ୍ଦମଣ୍ଡପ ଠାରେ ! ଆୟୋଜକ ଥିଲେ ଆଦିକବି ସାରଳାଦାସ ମହାବିଦ୍ୟାଳୟ ର 1989 ମସିହାର ବିଦ୍ୟାର୍ଥୀ ମାନେ ! ଗୀତ ସଂଗୀତର ମୂର୍ଚ୍ଛନା ସାଙ୍ଗକୁ ସାମୁହିକ ନୃତ୍ୟ ଅତି ମନୋରମ ଲାଗୁଥିଲା ! ଖୁସିର ମାହୋଲରେ ସମସ୍ତେ ବହୁଦିନର ବ୍ୟବଧାନକୁ ମନେ ପକାଇ କୋଳାକୋଳି ହୋଇ ଭାବ ବିହ୍ଵଳ ହୋଇପଡ଼ିଥିଲେ ! ଏହାର ଦାୟିତ୍ୱ ନେଇଥିଲେ, ପ୍ରିୟମ୍ବଦା ମହାପାତ୍ର, ଶରତ କୁମାର ଦାଶ,ପଙ୍କଜ ବାସିନୀ ମହାନ୍ତି,ମନୋରଞ୍ଜନ ମହାପାତ୍ର ! ପ୍ରାୟ 60 ରୁ ଅଧିକ ବନ୍ଧୁ ମାନେ ଏକତ୍ର ହୋଇ କେକ୍ କଟିଙ୍ଗ କରିଥିଲେ ! ବନ୍ଧୁ ମାନଙ୍କ ମଧ୍ୟରୁ ପ୍ରିୟମ୍ବଦା ମହାପାତ୍ର ତିର୍ତ୍ତୋଲର ସରପଞ୍ଚ ଥିବାରୁ, ତାଙ୍କ ହସ୍ତରେ କେକ୍ କଟିଙ୍ଗ କରାଯାଇଥିବାର ଦେଖିବାକୁ ମିଳିଥିଲା ! ଏହି ପରିପ୍ରେକ୍ଷୀରେ ମେଲୋଡି ଗ୍ରୁପ ଦ୍ୱାରା ସଂଗୀତ ପରିବେଷଣ ସାଙ୍ଗକୁ ବିଭିନ୍ନ କିସମର ଖାଦ୍ୟପେୟ ର ଆୟୋଜନ ହୋଇଥିଲା ! ଆଗାମୀ ଦିନରେ ଏହି ବ୍ୟାଚର ବନ୍ଧୁ ମାନେ ନିଜ ନିଜର ପରିବାର ସହିତ ଉତ୍ସବ ମନେଇବାର ଯୋଜନା ଘୋଷଣା କରିଥିବାର ଶୁଣିବାକୁ ମିଳିଥିଲା !
next post