ବନ୍ଧୁଗାଁ.୨୯।୦୩,କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକରେ ଆଜି ଚାଷୀ ମୁଲିଆ (ଏ.ଆଇ.କେ.ଏମ.କେ.ଏସ.)ଆଦିବାସି ସଂଘ ତରଫରୁ ସହିଦ ଲକ୍ଷ୍ମଣ ନାୟକଙ୍କ ୨୧ତମ ବଳିଦାନ ଦିବସ ଚାଷୀ ମୁଲିଆ ସଂଘର ରାଜ୍ୟ ସମ୍ଫାଦକ ଶ୍ରୀ ଶ୍ରୀକାନ୍ତ ମହାନ୍ତିଙ୍କ ଆୟୋଜନ ଦ୍ୱାରା ପାଳିତ ହୋଇ ଯାଇଛି । ଏନେଇ ସାନ ସରପଲି ଛକ ଠାରେ ଥିବା ସହିଦ ଲକ୍ଷ୍ମଣ ନାୟକଙ୍କ ପ୍ରତିମୃତ୍ତି ଠାରେ ପୁଷ୍ପଗୁଛ ଦେଇ ପୁଜାର୍ଚନା କରି ଛକ ଠାରୁ ନାଚ ଗୀତର ମାଧ୍ୟମରେ ଏକ ବିରାଟ ପଟୁଆରରେ ସଂଘର କର୍ମ କର୍ତା ମାନେ ବାହାରି ତହସିଲ କାର୍ଯ୍ୟାଳୟ ପଡିଆ ଠାରେ ଆୟୋଜିତ ସଭାରେ ଯୋଗ ଦେଇଥିଲେ । ଏଥିରେ କୋରାପୁଟ ଜିଲ୍ଲା ଚାଷୀମୁଲିଆ ସଂଘର ସଭାପତି କଣ୍ଡାଗିରି ପାଇଡାମା,ସମ୍ପାଦକ ପିଡିକା ସୁରିଆମା ଉପସ୍ଥିତ ରହି ସଭା କାର୍ଯକୁ ଆଗକୁ ବଡାଇଥିଲେ । ଏଥିରେ ବନ୍ଧୁଗାଁ ଅଞ୍ଚଳର କେଣ୍ଡ୍ତୃକା ସୁବାରାଓ, ମାଣ୍ଡିଙ୍ଗା ଶ୍ରୀନୁ,କାଡ୍ରକା ଆଦାନା, ଚାଷୀ ମୁଲିଆ ସାଙ୍ଘଠାନିକ ଯୁୁଗ୍ମ ସମ୍ପାଦକ ଡି.ବ୍ରମା କେ.କାଣ୍ଟୁ ବନ୍ଧୁଗାଁ ବ୍ଲକର ପୂର୍ବତନ ବିଧାୟକ ପ୍ରତିନିଧି ସୀତାନା ହିମିରିକା,ବ୍ଲକର ଜୋନ-୨ର ଜିଲ୍ଲା ପରିସଦ ସଭ୍ୟ ମାଝୀ ହିମିରିକା,ବନ୍ଧୁଗାଁ ବ୍ଲକର କଂଗ୍ରେସ ଦଳର ସଭାପତି ଶ୍ରୀ ଡି.ଏଙ୍କାଟି ଏବଂ କିଛି ପଞ୍ଚାୟତର ସରପଞ୍ଚମାନେ ଉପସ୍ଥିତ ରହିଥିଲେ । ଦେଶ ପାଇଁ ପ୍ରାଣ ବଳି ଦେଇଥିବା ଆଦିବାସି କୁଳର ଲକ୍ଷ୍ମଣ ନାୟକଙ୍କ ଜୀବନୀ ଉପରେ ଉପସ୍ଥିତ ଅତିଥି ମାନେ ଅଭିଭାଷଣ ଦେଇଥିଲେ । ଏଇଭଳି ଆଗକୁ ସହିଦ୍ ଲକ୍ଷ୍ମଣ ନାୟକଙ୍କ ବଳିଦାନ ଦିବସ ପ୍ରତି ବର୍ଷ ପାଳନ ହେଉଥିବ ବୋଲି ମଧ୍ୟ କହିଥିଲେ ।
next post