ମୟୂରଭଞ୍ଜ-:୨୧/୦୪ (ମସିହା) ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡ ଜାମଦା ବ୍ଲକରେ ପ୍ରବାହିତ ହେଉଥିବା କାହ୍ନୁ ନଦୀ,ବାଲିସୁଦ୍ରା ନଦୀ ତଥା ବ୍ଲକ ଅଞ୍ଚଳରେ ପ୍ରବାହିତ ହେଉଥିବା ନାଳ ଗୁଡ଼ିକରୁ ପ୍ରଚଣ୍ଡ ଖରା ହେତୁ ପାଣି ଶୁଖିଯାଇଛି |ଯାହାଫଳରେ ନଦନଦୀ କଡ଼ରେ ଯେଉଁ ପନିପରିବା ଚାଷ କରାଯାଇଛି ଜଳ ଅଭାବରୁ ମରିଯାଉଛି |କୁଚେଇପାଳ,ଧଳପୁର,ଗୁଡୁତା,ତାଳଗାଁ,କାଣ୍ଡସର,ଦୁମାଡ଼ିହି,କାନଖାଁ ଆଦି ଅଞ୍ଚଳର ପନିପରିବା ଚାଷୀ ବାଇଗଣ,ବିଲାତି,କଲରା,ଜହ୍ନି ଆଦି ପନିପରିବା ଗଛ ଗୁଡ଼ିକ 
ମରିଯାଉଛି |ଏହା ଦ୍ବାରା ଅଞ୍ଚଳରେ ଚାଷୀ ମାନଙ୍କର ଚିନ୍ତା ବଢ଼ିବା ସହ ହତାସ ହେଉଥିବା ଦେଖିବାକୁ ମିଳିଛି |ଗ୍ରୀଷ୍ମ ଉତ୍ତାପ ବଢ଼ିବ ସହ ଜାମଦା ଅଞ୍ଚଳର କେତେକ ଗାଁ ଗୁଡ଼ିକରେ ଜଳ ସମସ୍ୟା ମୁଣ୍ଡ ଟେକି ଉଠିଛି |ଜାମଦା ବ୍ଲକର ହରିଡାବେଡ଼ା,ବାଘିଆ ଗାଁ ରେ ଅଞ୍ଚଳ ଥିବା ଅଚଳ ନଳକୂପ ଗୁଡ଼ିକ ମରାମତି ଅଭାବରୁ ଜନସାଧାରଣ ନାହିଁ ନଥିବା ହରକତ ହେଉଛନ୍ତି |ନଳକୂପଗୁଡ଼ିକ ମରାମତି ନ ହେବା ଫଳରେ ସେଥିରେ ଘାସ ଚରିଯାଇଛି |ସେହିପରି ତାଳଗାଁ ଗ୍ରାପର ଲକ୍ଷ୍ମୀପୋଷି ଗାଁ ରେ ଜଳସମସ୍ୟା ମୁଣ୍ଡଟେକି ଉଠିଥିବା ସମାଜସେବୀ ଲକ୍ଷ୍ମୀଧର ମହାନ୍ତ ସୂଚନା ଦେଇଛନ୍ତି |ପାଇପ୍ ଜଳ ଯୋଗାଇବାର ସବୁ ବ୍ୟବସ୍ଥା ସରିଥିଲେ ହେଁ ବର୍ତ୍ତମାନ ସୁଦ୍ଧା ଜଳ ବଣ୍ଟନ ହେଉନାହିଁ ବୋଲି ଖବର ଜଣାଇଛନ୍ତି |ତେବେ ବାମନଘାଟୀଉପଖଣ୍ଡ ପ୍ରଶାସନ ଜଳସମସ୍ୟାର ସମାଧାନ ତଥା ଚାଷୀମାନଙ୍କର ସମସ୍ୟାକୁ ସମାଧାନ କରିବା ନିମନ୍ତେ ୟୁଏସ୍ଆଇ ସଂଗଠନର ରାଜ୍ୟ ସଂଯୋଜକ ପ୍ରଶ୍ନ କୁମାର ଶତପଥୀ ପ୍ରିଣ୍ଟ୍ ମିଡ଼ିଆ ଖବର ମାଧ୍ୟମରେ ସୂଚନା ଦେଇଛନ୍ତି |
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
