ଜଗତସିଂହପୁର :- କଟକର ଶ୍ରୀରାମଚନ୍ଦ୍ର ଭବନ ପରିସରରେ ଏସ ନ୍ୟୁଜ ଓଡ଼ିଆ ଡିଜିଟାଲ ମିଡିଆ ର ପଞ୍ଚମ ବାର୍ଷିକ ସ୍ଵନକ୍ଷତ୍ର ଉତ୍ସବ ଅବସରରେ ରଫ ଖାତା ପରିବାର ଆୱାର୍ଡ -2023 ଆୟୋଜିତ ହୋଇଯାଇଛି ! ଜଗତସିଂହପୁର ଜିଲ୍ଲାର ସାମ୍ବାଦିକ ସୁରକ୍ଷା ସମିତିର ସଭାପତି ଶ୍ରୀଯୁକ୍ତ ଶରତ କୁମାର ଦାଶ ଙ୍କୁ ରଫଖାତା ପରିବାର ଆୱାର୍ଡ -2023 ପାଇଁ ମନୋନୀତ ଓ ସମ୍ବର୍ଦ୍ଧିତ କରାଯାଇ ଥିବାରୁ ସାମ୍ବାଦିକ ସୁରକ୍ଷା ସମିତିର ସମସ୍ତ ସଭ୍ୟସଭ୍ୟା ଏସ ନ୍ୟୁଜ ପରିବାର କୁ ସାଧୁବାଦ ଜଣାଇଛନ୍ତି ! ଏହି ଉତ୍ସବରେ ମୁଖ୍ୟ ଅତିଥିଭାବେ ଭଦ୍ରକ ଆଇନ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ପ୍ରସନ୍ନ କୁମାର ରାୟ ଯୋଗଦେଇଥିବା ବେଳେ, ବରେଣ୍ୟ ଅତିଥିଭାବେ ଥିଲେ ନରସିଂହପୁର ମଣ୍ଡଳ ଉନ୍ନୟନ ଅଧିକାରୀ ଶ୍ରୀଯୁକ୍ତ ନୀଳମାଧଵ ସୁନା, କଟକ ଦି ଲିଙ୍କ ଆଇ ହସ୍ପିଟାଲ ର ଅଧ୍ୟକ୍ଷ ଡକ୍ଟର ଆଲୋକ କୁମାର ସାହୁ,ଭୁବନେଶ୍ୱର ଅଭିକ୍ଷା ଟ୍ରଷ୍ଟ ଅଧ୍ୟକ୍ଷା ଶ୍ରୀମତୀ ମାନସୀ ଶତପଥି ! ଓଡିଶା ଜଳସମ୍ପଦ ବିଭାଗ ର ସହକାରିଯନ୍ତ୍ରୀ ଇଂ. ନିମାଇଁ ପଣ୍ଡା ମୁଖ୍ୟ ବକ୍ତା ଭାବେ ଯୋଗଦେଇ ଥିବାବେଳେ ସମ୍ମାନିତ ଅତିଥିଭାବେ ଥିଲେ ଭାରତ ମସାଲା ର ଅଧ୍ୟକ୍ଷ ସୁରେନ୍ଦ୍ର ନାଥ ପଣ୍ଡା,ଭଦ୍ରକ ଇଲେକ୍ଟ୍ରିକାଲ ଏସ. ଡି. ଓ.ଇଂ. ହିମାଂଶୁ କୁମାର ପାତ୍ର ! ଏହି ଉତ୍ସବର ଉଦଘାଟକ ଥିଲେ ସିବିଆଇ ର ପ୍ରାକ୍ତନ ବିଚାରପତି ଜଷ୍ଟିସ ଭିକାରୀ ରାଉତ ! ପ୍ରଦୀପ ପ୍ରଜ୍ବଳନ ପୂର୍ବକ ଦେଶାତ୍ମବୋଧ ସଂଗୀତ ଗାନ କରାଯାଇ ପୂଜ୍ୟପୂଜା ଓ ସଂସ୍କୃତି କୁ ସମ୍ମାନ ଜଣାଇ ଆରମ୍ଭ ହୋଇଥିବା ଏହି ଉତ୍ସବରେ ରଫଖାତା ପରିବାର ତରଫରୁ ଏକ ପୁସ୍ତକ ଉନ୍ମୋଚନ କରାଯାଇ ଥିଲା ! ତେବେ ଏହି ଉତ୍ସବରେ କବି, ଲେଖକ, ଗାଳ୍ପିକ, ସାମ୍ବାଦିକ, ଓ ସାମାଜିକ ଅନୁଷ୍ଠାନ ମାନେ ଯୋଗ ଦେଇଥିବାର ଦେଖିବାକୁ ମିଳିଥିଲା।