ମୟୂରଭଞ୍ଜ -୧୪/୫ (ମସିହା)ଭବିଷ୍ଯତରେ ଇଞ୍ଜିନିୟର ହେବା ସ୍ବପ୍ନ ଦେଖିଥିବା ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ କୁଚେଇବୁଢି ଗ୍ରାମର ଆୟୂଷ ଡାକ୍ତର ଆଶିଷ ଗିରିଙ୍କ ଏକମାତ୍ର ପୁଅ ତାରିଣୀ ପ୍ରସାଦ ଗିରି (୧୮) ଭୁବନେଶ୍ୱର ଯାଇଥିଲେ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ଦେବାପାଇଁ । ପରୀକ୍ଷା ସାରି ସାଙ୍ଗ ମାନଙ୍କ ସହ ଘରକୁ ଫେରୁଥିବାବେଳେ କଟକର ବିରୂପା ନଦୀରେ ଗାଧୋଉଥିବା ସମୟରେ ନଦୀ ଭିତରକୁ ବାଲିଚର ଯୋଗୁଁ ଗୋଡ଼ ଖସି ଯାଇଥିଲା । ସତେ ଯେମିତି ଯମ ନଈ ପାଖରେ ଜଗିଥିଲା ।ସେ ନଦୀ ଭିତରକୁ ଚାଲି ଯାଇଥିଲେ । ସାଙ୍ଗ ମାନେ ଚିତ୍କାର କରିବା ଫଳରେ ଲୋକେ ଆସି ଯୁବକକୁ ଖୋଜାଖୋଜି କରି ନଦୀ ଗର୍ଭରୁ ଉଦ୍ଧାର କରିଥିଲେ । ତାଙ୍କୁ କଟକ ମେଡିକାଲ ନେଇ ଯାଇଥିଲେ । ଡାକ୍ତର ମୃତ ଘୋଷଣା କରିଥିଲେ ।କଟକରେ ଶବ ବ୍ୟବଚ୍ଛେଦ କରାଯାଇ ଶନିବାର ଦିନ ସନ୍ଧ୍ୟାରେ ଘରେ ପହଞ୍ଚିଥିଲେ । କାନ୍ଦବୋବାଳିରେ ଗାଁ ଦାଣ୍ଡ ଉଠୁଥିଲା ପଡୁଥିଲା ।କୁଚେଇବୁଢି ଗାଁ ରେ ଶୋକରେ ଛାୟା ଖେଳି ଯାଇଥିଲା ।ବାପା ମା ଦୁଃଖରେ ଏକମାତ୍ର ପୁଅକୁ ହରାଇ ଭାଙ୍ଗି ପଡିଛନ୍ତି ।ପରେ ଶେଷକୃତ୍ୟ ସଂପନ୍ନ କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
