ଲାଞ୍ଜିଗଡ଼,୧୦/୦୩(ମ.ନି.ସ)-ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରୁ ରୋଗୀଙ୍କୁ ଛାଡ଼ି ଭଟାଙ୍ଗପଦର-ମୁଷାନାଳ ରାସ୍ତା ଦେଇ ଲାଞ୍ଜିଗଡ଼ ଫେରୁଥିବାବେଳେ କୁଟୁଡୁଘାଟିରେ ଭାରସାମ୍ୟ ହରାଇ ଘାଟି ତଳକୁ ଖସିପଡ଼ିଛି ବେଦାନ୍ତ ଆମ୍ବୁଲାନ୍ସ ! ଆମ୍ବୁଲାନ୍ସଟି ଦୁଇଶହ ମିଟର ଘାଟି ତଳକୁ ଖସି ପଡ଼ିଥିବାବେଳେ ଏଥିରେ ଅଳ୍ପକେ ଡ୍ରାଇଭର ଜଣକ ବର୍ତ୍ତି ଯାଇଛନ୍ତି ! ଆଜି ଅପରାହ୍ନରେ ବେଦାନ୍ତ ଆମ୍ବୁଲାନ୍ସଟି ରୋଗୀଙ୍କୁ ନେଇ ଭବାନୀପାଟଣା ଯାଇ ସେଠାରୁ ଫେରୁଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇଛି ! ତେବେ ସନ୍ଧ୍ୟା ସମୟ ହୋଇଥିବାରୁ ଦୁର୍ଘଟଣାଗ୍ରସ୍ତ ଆମ୍ବୁଲାନ୍ସଟିକୁ ଘଟଣାସ୍ଥଳରୁ ଉଦ୍ଧାର କରାଯାଇ ପାରିନାହିଁ ! ସୂଚନାଯୋଗ୍ୟ ଯେ, ଲାଞ୍ଜିଗଡ଼ ବ୍ଲକର ଦୁର୍ଗମ ଅଞ୍ଚଳରେ ରୋଗୀ ପରିବହନ ଓ ଚିକିତ୍ସା ସେବା ଯୋଗାଇଦେବାରେ ଉଲ୍ଲେଖନୀୟ ଭୂମିକା ଗ୍ରହଣ କରିବା ସହିତ ବ୍ଲକର ଅପହଞ୍ଚ ଇଲାକାରେ ଗରିବ ଓ ଅସହାୟ ରୋଗୀଙ୍କ ଲାଇଫଲାଇନ୍ ପାଲଟିଥିବା ବେଦାନ୍ତ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହେବା ପରେ ରୋଗୀସେବା ବାଧାପ୍ରାପ୍ତ ହେବାର ଆଶଙ୍କା ସ୍ରୁଷ୍ଟି ହୋଇଛି !
-ଲାଞ୍ଜିଗଡ଼ରୁ ସୁଶୀଲ କୁମାର ବାଗଙ୍କ ରିପୋର୍ଟ୍