କେସିଙ୍ଗା,10.03.2022 – କଳାହାଣ୍ଡି ଜି,ଲ୍ଲା କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦର ନିର୍ବାଚନ ପାଇଁ ପ୍ରାର୍ଥୀଙ୍କ ଚୁଡ଼ାନ୍ତ ତାଲିକା ଆଜି ପ୍ରଶାସନ ତରଫରୁ ପ୍ରକାଶ କରାଯାଇଛି । ତେବେ ଚଳିତ ନିର୍ବାଚନ ଅଧ୍ୟକ୍ଷ ପଦବୀ ପାଇଁ ୫ଟି ପ୍ରାର୍ଥୀ ପତ୍ର ଦାଖଲ କରିଥିବା ବେଳେ ସମସ୍ତ ଙ୍କ ପ୍ରାର୍ଥୀତ୍ବ କାଏମ ରହିଛି । ସେହିପରି କାଉନସିଲ ପଦବୀ ପାଇଁ ୪୦ ଜଣ ପ୍ରାର୍ଥୀ ପ୍ରାର୍ଥୀତ୍ୱ ଦାଖଲ କରିଥିବା ବେଳେ ଏକମାତ୍ର ପ୍ରାର୍ଥୀ ୧୧ ନମ୍ବର ୱାର୍ଡ ରେ ଯାଜ୍ଞସିନୀ ଶିକା ଙ୍କ କୈାଣସି ସମର୍ଥକ ନ ଥିବାରୁ ତାଙ୍କ ପ୍ରାର୍ଥୀ ପତ୍ର ନାକଚ ହୋଇଥିବା ଜଣାପଡିଛି । । ତେବେ ଚଳିତ ନିର୍ବାଚନରେ ଅଧ୍ୟକ୍ଷ ପଦ ପାଇଁ ପ୍ରତ୍ୟକ୍ଷ ଭାବେ ଭୋଟ ଦେବାକୁ ବ୍ୟବସ୍ଥା ରହିଥିବା ବେଳେ କେସିଙ୍ଗା ଏନ୍ ଏ ସି ଅଧ୍ୟକ୍ଷ ପଦ ଅଣସଂରକ୍ଷିତ ରହିଛି । ଅନ୍ୟାନ୍ୟ 12ଗୋଟି ୱାର୍ଡପାଇଁ ବିଭିନ୍ନ ସଂରକ୍ଷଣମାନ କରାଯାଇଛି । ତେବେ ଅନେକ ୱାର୍ଡର ସଂରକ୍ଷଣ ବ୍ୟବସ୍ଥା ବଦଳି ଯାଇଥିବାରୁ ଅନେକ ପ୍ରାର୍ଥୀଙ୍କୁ ନିଜ ପାଇଁ ଏକ ସୁରକ୍ଷିତ ୱାର୍ଡ ବାଛିବାରେ କଷ୍ଟକର ପାଠ ହୋଇପଡିଛି । ତେବେ ୧୨ ଗୋଟି ୱର୍ଡ ରେ କାଉନସିଲର ପଦବୀ ପାଇଁ ସଂରକ୍ଷିତ ରହିଥିବା ତାଲିକା ଅନୁଯାୟୀ ୱାର୍ଡ ନମ୍ବର ୧,୫,୮,୧୦ ମହିଳାଙ୍କ ପାଇଁ ସଂରକ୍ଷିତ ରହିଛି ରହିଥିବା ବେଳେ ୱାର୍ଡ ନମ୍ବର ୨,୩,୬,୭ ଓ ୧୧ ଅଣସଂରକ୍ଷିତ ରହିଛି । ଏବେ ୱର୍ଡ ନମ୍ବର ୪ ଅନୁସୁଚିତ ଜାତି ମହିଳା ଙ୍କ ପାଇଁ ସଂରକ୍ଷିତ ରହିଛି । କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦର ମୋଟ ଭୋଟର୍ ଙ୍କ ସଂଖ୍ୟା ରହିଛି ୧୪୨୦୫ । ସେଥିମଧ୍ୟରୁ, ମହିଳା ଭୋଟର୍ ଙ୍କ ସଂଖ୍ୟା ରହିଛି ୭୦୪୧ ରହିଥିବା ବେଳେ ପୁରୁଷ ଭୋଟର୍ ଙ୍କ ସଂଖ୍ୟା ରହିଛି ୭୧୬୩ ଏବଂ ଜଣେ ମାତ୍ର ତୃତୀୟ ଲିଙ୍ଗୀ ଭୋଟର୍ ରହିଛନ୍ତି ।
ତେବେ ପୌର ନିର୍ବାଚନ ପାଇଁ ରାଜ୍ୟ ର ୧୦୭ ଗୋଟି ଏନ୍ ଏ ସି/ ମ୍ୟୁନିସିପାଲଟି ରେ ଚୁଡ଼ାନ୍ତ ତାଲିକା ପ୍ରକାଶ ପାଇଛି । ଏହି ପରିପ୍ରେକ୍ଷିରେ କେସିଙ୍ଗା ଏନ୍ ଏ ସି ରେ ଦାଖଲ କରିଥିବା ପ୍ରାର୍ଥୀମାନଙ୍କ ଚୁଡ଼ାନ୍ତ ତାଲିକା ପ୍ରକାଶ ପାଇଲା ପରେ ଭୋଟରଙ୍କୁ ପ୍ରଭାବିତ କରିବା ପାଇଁ ପ୍ରାର୍ଥୀ ମାନଙ୍କ ଜୋରସୋରରେ ପ୍ରଚାର ପ୍ରସାର ଆରମ୍ଭ ହୋଇଛି । ତେବେ ନିର୍ବାଚନକୁ ଶୃଙ୍ଖଳିତ ଭାବେ ପରିଚାଳିତ କରିବା ପାଇଁ କେସିଙ୍ଗା ପୌର ନିର୍ବାଚନ ଅଧିକାରୀ ଜ୍ୟୋତିର୍ମୟ କର ପଦକ୍ଷେପ ନେଇଥିବା ଜଣାପଡ଼ିଛି । ତେବେ ଅଞ୍ଚଳରେ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ତ୍ରିମୁଖି ଲଢେଇ ଜୋରଦାର ହେବ ବୋଲି ଆଶା କରାଯାଉଛି । ଯେହେତୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ କଳାହାଣ୍ଡି ଜିଲ୍ଲା ରେ ବିଜେଡି ର ଦବ୍ ଦବା ଦେଖିବାକୁ ମିଳିଛି ସେହିପରି ପୌର ନିର୍ବାଚନ ମଧ୍ୟ ବିଜେଡି ହାତେଇବା ପାଇଁ ଆଶାବାଦୀ ରହିଥିବା ରାଜନୈତିକ ସମୀକ୍ଷକମାନେ ମତ ପ୍ରକାଶ କରିଛନ୍ତି । ତେବେ ଗତ ନିର୍ବାଚନରେ ବିଜେଡିର ସ୍ଥିତି ଠିକ୍ ନଥିବା ବେଳେ ବର୍ତ୍ତମାନ ବିଜେଡିର ନବୀନ ହାୱାକେତେ ଦୂର ନିର୍ବାଚନ ବୈତରଣୀ ପ।ର କରାଇବାରେ ସହାୟକ ହେବ ସେ ନେଇ ସହରରେ ଆଲୋଚନା ଚାଲିଛି । ଏଲ କୋଟେଶ୍ଵର୍ ନାଇଡୁ ଙ୍କ ରିପୋର୍ଟ
