ଡାବୁଗାଁ, ୨୭/୫ (ମ.ନି.ସ.)- ଶିଶୁଟିର ଅଣ୍ଡକୋଷ ବୃଦ୍ଧି, ଅଧିକ ଚିକିତ୍ସା ଓ ଅସ୍ତ୍ରୋପଚାର ପାଇଁ ଆର୍ଥିକ ଅଭାବ । ନବରଙ୍ଗପୁର ଜିଲା ଝରିଗାଁ ବ୍ଲକ ର ଧାମନାଗୁଡା ପଞ୍ଚାୟତ ଅଧୀନ ଏକମ୍ବା ଗ୍ରାମର କମଳଲୋଚନ ଚଲାନ ଓ ସ୍ତ୍ରୀ ପିଙ୍କି ଚଲାନ ଙ୍କ ୩ ଟି ପୁତ୍ର ସନ୍ତାନ ନେଇ ଏକ ସୁଖୀ ପରିବାର | କମଳଲୋଚନ ପ୍ରତିଦିନ କୁଲି ମଜୁରି କରି ନିଜ ପରିବାର ପ୍ରତିପୋଷଣ କରୁଛନ୍ତି | ୨ ବର୍ଷ ତଳେ ୩ ୟ ପୁତ୍ର ପ୍ରଦୀପ ଚଲାନ ଙ୍କ ଜନ୍ମ ହୋଇଥିଲା | ଜନ୍ମ ପରେ ୧ ବର୍ଷ ପରିବାର ହସ ଖୁସି ର ସହ ଚାଲିଥିଲା | କିନ୍ତୁ ବର୍ଷକ ପରେ ୩ ୟ ପୁତ୍ର ପ୍ରଦୀପଙ୍କ ଅଣ୍ଡକୋଷ ଧୀରେ ଧୀରେ ବୃଦ୍ଧି ଘଟିଥିଲା | ମାତା ପିତା ପୁତ୍ରକୁ ଧରି ପ୍ରଥମେ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟରେ ଡାକ୍ତରଙ୍କୁ ଦେଖାଇ ଚିକିତ୍ସା କରିଥିଲେ | କିଛି ଦିନ ଚିକିତ୍ସା ପରେ ଡାକ୍ତର ତାଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ଅଧିକ ଚିକିତ୍ସା ପାଇଁ ପଠାଇଥିଲେ | କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜରେ ଡାକ୍ତର ଚିକିତ୍ସା ପରେ ତାଙ୍କୁ ଉତ୍ତମ ଚିକିତ୍ସା ପାଇଁ ବ୍ରହ୍ମପୁର ପଠାଇଥିଲେ | ସେଠାରେ କିଛି ଦିନ ଚିକିତ୍ସା ପରେ ଅର୍ଥାଭାବରୁ ପୁଅ କୁ ଧରି ନିଜ ଘରକୁ ଚାଲି ଆସିଥିଲେ କମଳଲୋଚନ | ଯଦି ସରକାରୀ ସାହାଯ୍ୟ ମିଳେ ତାହାହେଲେ ଶିଶୁଟିର ଅସ୍ତ୍ରୋପ୍ରଚାର କରିପାରିବେ ବୋଲି କମଳଲୋଚନ ନିବେଦନ କରିଛନ୍ତି | ରାଷ୍ଟ୍ରୀୟ ବାଲ ସ୍ୱାସ୍ଥ୍ୟ କଲ୍ୟାଣ ଯୋଜନା ଜିଲା ସଂଯୋଜକ ଫିରୋଜ ବାଘ ଙ୍କୁ ଯୋଗାଯୋଗ କରିବାରୁ ଉକ୍ତ ଗ୍ରାମକୁ ଆମର ଟିମ ପଠାଇ ଶିଶୁଟିର ଅସ୍ତ୍ରୋପ୍ରଚାର ପାଇଁ ବ୍ରହ୍ମପୁର ପଠାଇବା ପାଇଁ ବ୍ୟବସ୍ଥା କରାଯିବ | ରାଷ୍ଟ୍ରୀୟ ବାଲ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ଶିଶୁଟିର ମାଗଣା ଚିକିତ୍ସା କରାଯିବ ବୋଲି କହିଥିଲେ ।