ଡାବୁଗାଁ, ୬/୬ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜୁନାପାଣି ପଞ୍ଚାୟତ କାର୍ଯ୍ୟ|ଳୟ ଠାରେ ଭାରତୀୟ ଷ୍ଟେଟ ବ୍ୟାଙ୍କ ତରଫରୁ ଜନସୁରକ୍ଷା ଯୋଜନା ଉପରେ ଏକ ସଚେତନତା ଶିବିର ମଙ୍ଗଳବାର ଅପରାହ୍ନରେ ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବେ ଲିଡ ବ୍ୟାଙ୍କ ଆସିଷ୍ଟାଣ୍ଡ ଜେନେରାଲ ମ୍ୟାନେଜର ତପନ କୁମାର ସାହୁ ଯୋଗଦେଇ ସରକାର ଙ୍କ ତରଫରୁ ଭାରତୀୟ ଷ୍ଟେଟ ବ୍ୟାଙ୍କରେ ବିଭିନ୍ନ ଯୋଜନା ଯଥା:- ଜନଧନ ଖାତା ଖୋଲିବା, ପ୍ରଧାନ ମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା, ପ୍ରଧାନ ମନ୍ତ୍ରୀ ସୁରକ୍ଷା ବୀମା ଯୋଜନା, ଅଟଳ ପେନସନ ଯୋଜନା ଉପରେ ବୁଝାଇଥିଲେ | ଜନସାଧାରଣ ଏହି ଯୋଜନାର ଲାଭ ଉଠାଇବା ପାଇଁ ସଚେତନ କରିଥିଲେ | ଏଥିରେ ଲିଡ ବ୍ୟାଙ୍କ ଚିଫ ମ୍ୟାନେଜର କେ. ନାରାୟଣ ରାଓ, ଆରସେଟି ନିର୍ଦ୍ଦେଶକ ଜି. ପ୍ରସାଦ, ଡାବୁଗାଁ ଭାରତୀୟ ଷ୍ଟେଟ ବ୍ୟାଙ୍କ ଶାଖା ପରିଚାଳକ ନୀତିଶ ସ୍ଵାଇଁ, ଜୁନାପାଣି ପଞ୍ଚାୟତ ନିର୍ବାହୀ ଅଧିକାରୀ ହଳଧର ଯାନୀ ଓ ଜନସାଧାରଣ ମାନେ ଉପସ୍ଥିତ ଥିଲେ |