ପାପଡାହାଣ୍ଡି,12/7, ମନିସ —- ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ଅଂଚଳରେ ଜଙ୍ଗଲୀ ହାତୀ ତାର ଉପଦ୍ରଵ ଦେଖାଇବା ପରେ ମଙ୍ଗଳବାର ମଇଦଳପୁର ଅଂଚଳରେ ହାତୀ ଦେଖିବାକୁ ମିଳିଛି | ହାତୀଟି ଗାଦବା କତରା ପଂଚାୟତ ନିକଟରେ ଥିବା ଜଙ୍ଗଲ ରେ ଦେଖାଯାଇଛି | ଖବର ସଂଗ୍ରହ ପର୍ଯ୍ୟନ୍ତ ହାତୀ ଜଙ୍ଗଲ ଭିତରେ ବିଶ୍ରାମ ନେଉଥିବା ସୂଚନା ଦେଇଛନ୍ତି ମଇଦଳପୁର ବନବିଭାଗ ଅଧିକାରୀ ମଧୁସୂଦନ ପାତ୍ର | ଜଙ୍ଗଲ 
ପାଖରେ ଡାବୁଗାଁ ରେଞ୍ଜର ସେତୁରଞ୍ଜନୀ ଗମାଙ୍ଗ,ମଇଦଲପୁର ବନବିଭାଗ ର ସମସ୍ତ କର୍ମଚାରୀ ଏବଂ ୱାଇଲଡ ଲାଇଫ ର ସମସ୍ତ ଟିମ ଜଙ୍ଗଲରେ ହାତୀ କୁ ନଜର ରଖିଛନ୍ତି ଏବଂ ଗାଁ ଭିତରେ ହାତୀ ପ୍ରବେଶ ନ କରିବ ସେଥିପ୍ରତି ଧ୍ୟାନ ଦେଉଛନ୍ତି ଏବଂ ଲୋକଙ୍କୁ ମଧ୍ୟ ଜଙ୍ଗଲ ଭିତରକୁ ନ ଯିବା ପାଇଁ ପ୍ରୟାସ ଜାରି ରହିଛି | ହାତୀ ଉଠିଲା ପରେ ଅତି ଘଞ୍ଚଜଙ୍ଗଲ ଭିତରକୁ ଘଉଡ଼ାଇବା ବ୍ୟବସ୍ତା କରାଯିବ ବୋଲି ମଧ୍ୟ ସୂଚନା ମିଳିଛି | ରାତିରେ ହାତୀ ଯାନୀ ଗୁଡା ମଧ୍ୟରେ ଥୀବା କମଳ ଲୋଚନ ଯାନୀ ଙ୍କ ଧାନ ଚାଷ ଉପରେ ଚାଲିଥିବାରୁ ଧାନ ମଧ୍ୟ ନଷ୍ଟ ହୋଇଥିବା ସୂଚନା ମିଳିଛି | ନିକଟସ୍ଥ ତେନ୍ତୁଳୀଖୁଣ୍ଟି ଗ୍ରାମରେ ଜଣକୁ ଉକ୍ତ ହାତୀ ଟି ମାରିଥିବା ସୂଚନା ପରେ ଏହି ଅଞ୍ଚଳରେ ମଧ୍ୟ ଭୟର ବାତାବରଣ ଖେଳିଯାଇଛି |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
