ରାଇଘର 24/7:-ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ ଅଞ୍ଚଳା ଗ୍ରାମରେ ଜଣେ ଯୁବକ ଗତକାଲି ରାତିରେ ଏକ ବିଦ୍ୟୁତ ଖୁଣ୍ଟରେ ଚଢି ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଥିବା ଜଣାପଡିଛି | ପ୍ରକାଶ ଥାଉକି ,ଗତ କାଲି ରାତି ପ୍ରାୟ ସାଢେ ୮ଟା ସମୟରେ ଅଞ୍ଚଳା ଗ୍ରାମର ଗଣେଶ ଗଣ୍ଡ (30)ଘରେ ବିଦ୍ୟୁତ ନଥିବା ଦେଖି ମରାମତି କରିବାକୁ ଘର ନିକଟରେ ଥିବା ଖୁଣ୍ଟ ଉପରେ ଚଢି ଯାଇଥିଲେ l ଅପରପକ୍ଷରେ ତାରରେ ବିଦ୍ୟୁତ ସରବରାହ ରହିଥିବାରୁ ଏହାର ସଂସ୍ପର୍ଶ ରେ ଆସି ଖୁଣ୍ଟ ଉପରେ ହିଁ ଲାଖି ରହି ମୃତ୍ୟୁ ବରଣ କରିଥିଲେ | ରାତି ସାରା ପରିବାର ଲୋକେ ଉକ୍ତ ବିଦ୍ୟୁତ ଖୁଣ୍ଟ ତଳେ ତମ୍ବୁ ଟାଣି ଗଣେଶଙ୍କ ମରଶରୀରକୁ ଜଗିଥିଲେ l ପରେ ଏ ନେଇ ସକାଳୁ ପରିବାର ଲୋକେ ସ୍ଥାନୀୟ ଥାନା ଓ ବିଦ୍ୟୁତ କାର୍ଯ୍ୟାଳୟକୁ ଖବର ଦେବା ପରେ ବିଦ୍ୟୁତ ବିଭାଗ ପକ୍ଷରୁ ଏ ନେଇ ଥାନାରେ ଏତଲା ଦିଆଯାଇଥିଲା | ଅନ୍ୟପଟେ ସ୍ଥାନୀୟ ପୁଲିସ ଘଟଣା ସ୍ଥଳରେ ପହଞ୍ଚି ଖୁଣ୍ଟ ଉପରୁ ଗଣେଶଙ୍କ ମର ଶରୀରକୁ ତଳକୁ ଅଣାଯାଇ ବ୍ୟବଚ୍ଛେଦ ପାଇଁ ପଠାଇଥିଲା l ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ରାଇଘର ପୋଲିସ ପ୍ରକାଶ କରିଥିବା ବେଳେ ବିଦ୍ୟୁତ ବିଭାଗ ଯନ୍ତ୍ରିଙ୍କୁ ପଚାରିବାରୁ ଗଣେଶ ଘର ପାଇଁ ହୁକ ଲଗାଇବାକୁ ଯାଇ ଦୁର୍ଘଟଣାର ଶିକାର ହୋଇଥିବା ପ୍ରକାଶ କରିଛନ୍ତି |ଏହାକୁ ନେଇ ରାଇଘର ଥାନାରେ ଏକ କେଶ ରୁଜୁ କରି ପୋଲିସ ଘଟଣାର ତଦନ୍ତ କରୁଥିବା ଜଣା ପଡିଛି |
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
