କୋଲନରା ବ୍ଲକ ଅନ୍ତର୍ଗତ ରେଖାପଦର ସଦର ପଞ୍ଚାୟତରେ ଥିବା ଉନ୍ନୀତ ଉଚ୍ଚ ବିଦ୍ୟାଳୟକୁ ଆଜି ଅଚାନକ ଭାବେ ଗସ୍ତ କରି ବିଦ୍ୟାଳୟର ସ୍ଥିତି ଅନୁଧ୍ୟାନ କରିଛନ୍ତି କୋଲନରା ଗୋଷ୍ଠୀ ଉନ୍ନୟନ ଅଧିକାରୀ ଗୌରଚନ୍ଦ୍ର ପଟ୍ଟନାୟକ | ଉକ୍ତ ବିଦ୍ୟାଳୟ ଗସ୍ତ କରି ପ୍ରଥମେ ବିଦ୍ୟାଳୟରେ କରାଯାଇଥିବା ୫ଟି ଶ୍ରେଣୀ ଗୃହ, ପିଲାଙ୍କ ଶିକ୍ଷାଦାନ ଓ ବିଦ୍ୟାଳୟର ସ୍ଥିତି ଅନୁଧ୍ୟାନ କରିବା ସହ ଛାତ୍ରଛାତ୍ରୀ ମାନଙ୍କ ସୁବିଧା ଅସୁବିଧା ଏବଂ ପାଠପଢା ସମ୍ପର୍କରେ ପଚାରି ବୁଝିଥିଲେ | ପରେ ବିଦ୍ୟାଳୟର ଶିକ୍ଷକ ମାନଙ୍କ ସହ ଆଲୋଚନା କରି ପିଲାଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କରିବାକୁ ପରାମର୍ଶ ଦେଇଥିଲେ | ଉକ୍ତ ବିଦ୍ୟାଳୟରେ ୫ଟି ଦ୍ଵାରା ନିର୍ମାଣ କରାଯାଇଥିବା ବିଦ୍ୟାଳୟ ରୂପାନ୍ତରିତ କାର୍ଯ୍ୟ ବିଷୟରେ କହିବା ସହ ସ୍ମାର୍ଟ କ୍ଲାସ, ଇ ଲାଇବ୍ରେରୀ, ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟ ଏବଂ ବିଦ୍ୟାଳୟରେ ଲଗାଯାଇଥିବା ସିସିଟିଭି ଅନୁଧ୍ୟାନ କରିଥିଲେ | ଶେଷରେ ମୁଖ୍ୟ ରାସ୍ତା କଡରେ ବିଦ୍ୟାଳୟ ରହିଥିବା ହେତୁ କୌଣସି ପିଲାଙ୍କୁ ବାହାରକୁ ନ ଛାଡିବା ପାଇଁ ଶିକ୍ଷକ ମାନଙ୍କୁ କହିଥିଲେ। ବିଦ୍ୟାଳୟର କିଛି ସମସ୍ୟା ନେଇ ଭାରପ୍ରାପ୍ତ ପ୍ରଧାନ ଶିକ୍ଷକ ବିବେକାନନ୍ଦ ହୁଇକା ବିଡ଼ିଓଙ୍କ ଦୃଷ୍ଟି ଆକର୍ଷଣ କରିଥିଲେ | ସ୍ଥାନୀୟ ସରପଞ୍ଚ ଓ ପିଇଓଙ୍କୁ ତୁରନ୍ତ ସମାଧାନ କରିବା ନେଇ ବିଡିଓ ଶ୍ରୀ ପଟ୍ଟନାୟକ କହିଥିଲେ | ବିଡିଓ ଙ୍କ ଏହି ଗସ୍ତ ସମୟରେ ସ୍ଥାନୀୟ ସରପଞ୍ଚ ଗୋପାଳ ପିର୍ବାକା, ସମିତି ସଭ୍ୟ ସରୋଜ ପଣ୍ଡୁ, ଜିଲ୍ଲା ଜଳ ବିଭାଜିକା ପ୍ରକଳ୍ପ ନିର୍ଦ୍ଦେଶକ ଡ ଦୟାନିଧି ବାଗ, ସହକାରୀ ଶିକ୍ଷକ ସିଙ୍ଗୁ କଣ୍ଡାଗରିଙ୍କ ସମେତ ଅନ୍ୟମାନେ ଉପସ୍ଥିତ ରହିଥିଲେ |
previous post