ବାଲେଶ୍ଵର,୧୧/୮/୨୩- ବାଲେଶ୍ଵର ଜିଲ୍ଲା ଖଇରା ଜଳସେଚନ ଅଫିସ୍ ସମ୍ମୁଖରେ ଥିବା ଜନଜାଗରଣ ମଞ୍ଚ କାର୍ଯ୍ଯାଳୟ ପରିସରରେ ସଭାପତି ଉମେଶ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ଖଇରା ଅଞ୍ଚଳର ସମସ୍ୟା ବିଷୟରେ ପ୍ରଥମେ ଆଲୋଚନା ହୋଇଥିଲା । ପରେ ପରେ ଦ୍ବିତୀୟ ଅଧିବେଶନର ସିନ୍ଧାନ୍ତ ଅନୁଯାୟୀ ଜନଜାଗରଣ ମଞ୍ଚର ପରିଚାଳନା କମିଟିର ସମୟ ଅତିବାହିତ ହୋଇ ଯାଇଥିବାରୁ ନୂତନ ପରିଚାଳନା କମିଟି ଗଠନ ନିମନ୍ତେ ସର୍ବସମ୍ମତି କ୍ରମେ ନିଷ୍ପତ୍ତି ଚୁଡାନ୍ତ ହୋଇଥିଲା । ତା ପରେ କମିଟି ଗଠନ ଆରମ୍ଭ ହୋଇଥିଲା । ନୂତନ କମିଟିର ସଭାପତି ଉମେଶ ଚନ୍ଦ୍ର ନାୟକ, ଉପସଭାପତି ଦେଵେନ୍ଦ୍ର କୁମାର ରାଉତ, କୈଳାସ ଚନ୍ଦ୍ର ପୃଷ୍ଟି, ରଶ୍ମିତା ମହାପାତ୍ର, ରାମକୃଷ୍ଣ ଦାସମହାପାତ୍ର, ସମ୍ପାଦକ ନିରଞ୍ଜନ ବେହେରା, ସହସମ୍ପାଦକ କମଳ ଲୋଚନ ଜେନା, ସଂଗଠନ ସମ୍ପାଦକ ଅଭିରାମ ମହାପାତ୍ର ଓ ସହସମ୍ପାଦିକା ଚିନ୍ମୟୀ ଜେନା, କୋଷାଧ୍ୟକ୍ଷ ବୁଦ୍ଧିରାମ ପାଣିଗ୍ରାହୀ, ଉପଦେଷ୍ଟା କୃଷ୍ଣ ଚନ୍ଦ୍ର ପତ୍ରୀ ଓ ଚିନ୍ତାମଣି ସାହାଣୀ, କାର୍ଯ୍ୟକାରୀ ସଦସ୍ୟ ଓ ସଦସ୍ୟା ଜୟନ୍ତୀ ମହାରଥା, ନରେନ୍ଦ୍ର ପ୍ରସାଦ ବେହେରା, ସୃଷ୍ଟିଧର ରାଉଳ, ସୁଦର୍ଶନ ସେଠୀ, କବିତା ପଣ୍ଡା ଓ ଅରୁଣ କୁମାର ଦାସ ପ୍ରମୁଖ ତା ୧୦/୮/୨୩ ରିଖରେ ଗଠିତ ନୂତନ ପରିଚାଳନା କମିଟିରେ ସାମିଲ ହୋଇଛନ୍ତି । ଶେଷରେ ସୃଷ୍ଟିଧର ରାଉଳଙ୍କ ଧନ୍ୟବାଦ ଅର୍ପଣ ପରେ ସଭାପତି ସଭା ସାଙ୍ଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
