କୋକସରା,୧୬/୮// ଦାଦନ ଖଟିବାକୁ ହାଇଦ୍ରାବାଦକୁ ଗତ ୨ ମାସ ତଳେ ଯାଇଥିଲେ।କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ କାଦୋପଦର ଗାଁ ର ଯୁବକ। ହେଲେ ଗତ କିଛିଦିନ ତଳେ ଶରୀର ଅସୁସ୍ଥ ହେବା ପରେ ହାଇଦ୍ରାବାଦରୁ ଦୁଇ ଜଣ ସାଥି ଶ୍ରମିକଙ୍କ 
ସାହାଯ୍ୟରେ ସଙ୍ଗିତା ନାମକ ଯାତ୍ରୀବାହୀ ବସ୍ରେ ନିଜ ଭିଟାମାଟିକୁ ଫେରୁଥିଲେ । ହେଲେ ଭିଟାମାଟିକୁ ଆଉ ସେ ଫେରିଲେ ନାହିଁ ଫେରିଲା ଶବ ।ଆସିବା ବାଟରେ ନବରଙ୍ଗପୁର 
ନିକଟରେ ଯାତ୍ରୀବାହୀ ବସ୍ରେ ତାଙ୍କର ମୃତ୍ୟୁ ହୋଇଥିଲା। ମୃତ ଦାଦନ ଶ୍ରମିକ ଜୟପାଟଣା ବ୍ଲକ କାଦୋପଦର ଗ୍ରାମର ଯୁବକ ଗିରିଧାରି ବାଗ ବୋଲି ଜଣାପଡିଛି। ତେବେ ଆମପାଣିରେ ବସ ପହଞ୍ଚିବା ପରେ ସମ୍ପର୍କୀୟ ମାନେ ଆଗରୁ ଖବର ପାଇ ଅପେକ୍ଷା କରି ରହିଥିଲେ। ଦାଦନ ଶ୍ରମିକଙ୍କ ଶବକୁ ଦୁଇ ଯୁବକ ଏକ 
ବାଇକ୍ରେ ନେଇ ଆମପାଣି ବିଜୁ ଏକ୍ସପ୍ରେସ୍ ୱେ ରାସ୍ତା ଠାରୁ ନିଜ ଗାଁ କାଦୋପଦର ନେଇ ଯାଇଥିଲେ। ସୂଚନା ମତେ ଗତ ଦୁଇ ମାସ ତଳେ ଜୟପାଟଣା ବ୍ଲକ ବାନେର ପଞ୍ଚାୟତ କାଦୋପଦର ଗାଁର ଯୁବକ ଗିରିଧାରୀ ବାଗ ହାଇଦ୍ରାବାଦର ଏକ ଘରୋଇ କମ୍ପାନୀରେ ଡ୍ରାଇଭର ଭାବରେ ନିୟୋଜିତ ଥିଲେ। ହେଲେ ହଠାତ୍ ଶରୀର ଅସୁସ୍ଥ ହେବାରୁ ଘରକୁ ଫେରିବା ସମୟରେ ବସରେ ଜୀବନ ଚାଲିଯାଇଥିଲା। ଗାଁ ରେ ଶବ ପହଞ୍ଚିବା ପରେ ଗାଁ ମଶାଣିରେ ଶବ ଶେଷକୃତ୍ୟ କରାଯାଇଛି। ତେବେ ଏପରି ଏକ ସମ୍ବେଦନଶୀଳ ଘଟଣାକୁ ନେଇ ସାଧାରଣରେ ଉଦବେଗ ପ୍ରକାଶ ପାଇଛି।
ମସିହା ନିୟୁଜ୍ ସର୍ଭିସ୍
