ବାଲେଶ୍ଵର,୨୦/୮/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ ପରିସରରେ ଥିବା ଶିକ୍ଷକ ଭବନ ସଭାଗୃହ ମଧ୍ୟରେ ଦୈନିକ ପେପର ଅପରାହ୍ନ ପକ୍ଷରୁ ସାମ୍ବାଦିକ ମାନଙ୍କୁ ନେଇ ବନ୍ଧୁମିଳନ ଓ ସମ୍ବର୍ଦ୍ଧନା ପର୍ବ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ସଭାପତିତ୍ୱ କରିଥିଲେ ଏଡିଟର ବଂଶୀଧର ଜେନା । ଏଥିରେ ମୁଖ୍ୟ ଅତିଥି ଭାବେ ଖଇରା ବ୍ଲକ ଅଧ୍ଯକ୍ଷା ଅଭିଲିପ୍ସା ସାହୁ ଯୋଗ ଦେଇଥିବା ବେଳେ ଖଇରା ମହାବିଦ୍ୟାଳୟର ଅବସରପ୍ରାପ୍ତ 
ଅଧ୍ଯକ୍ଷ ଉମେଶ ଚନ୍ଦ୍ର ନାୟକ ମୁଖ୍ୟବକ୍ତା ଭାବେ ଯୋଗ ଦେଇଥିଲେ । ଅନ୍ୟତମ ଅତିଥି ଭାବେ ଖଇରା-ସିମୁଳିଆ ବ୍ଲକର ସମାଜସେବୀ ହିମାଂଶୁ ବେହେରା, ଖଇରା ସାମ୍ବାଦିକ ସଂଘର ସଭାପତି ଉତ୍କଳବନ୍ଧୁ ପଣ୍ଡା, ଅଧ୍ଯାପକ ତଥା ସାହିତ୍ୟିକ ଡ. ସୁକାନ୍ତ ଗିରି ଏବଂ ବରିଷ୍ଠ ସାମ୍ବାଦିକ ଅନାମ ଚରଣ ପଣ୍ଡା ମଞ୍ଚାସୀନ ଥିଲେ । ସାମ୍ବାଦିକ ସ୍ବର୍ଗତ ଦୟାନିଧି ମହାପାତ୍ରଙ୍କ ଉଦ୍ଦେଶ୍ୟରେ ୧ମିନିଟ ନୀରବ ପ୍ରାର୍ଥନା କରାଯାଇଥିଲା । ପ୍ରକୃତରେ ସାମ୍ବାଦିକ ମାନେ କିଭଳି ଭାବେ ନିଜର କର୍ମମୟ ଜୀବନ ବିତାଉଛନ୍ତି ହୃଦୟଙ୍ଗମ କରୁଛନ୍ତି ବୋଲି କହିବା ସଙ୍ଗେ ସଙ୍ଗେ ଅବସରପ୍ରାପ୍ତ ବୟସ୍କ ସାମ୍ବାଦିକ ମାନଙ୍କୁ ମାସିକ ୫ଶହ ଟଙ୍କା ଦେବା ପାଇଁ ଘୋଷଣା କରିଥିଲେ ଏଡିଟର ଶ୍ରୀ ଜେନା । ଆଚରଣ ଓ ଉଚାରଣକୁ ନେଇ ସାମ୍ବାଦିକ ମାନଙ୍କ ଉଦ୍ଦେଶ୍ୟରେ ବହୁ ଶିକ୍ଷଣୀୟ ଓ ଉପଦେଶାତ୍ମକ ମୂଳକ ବକ୍ତବ୍ୟ ରଖିଥିଲେ ଅଧ୍ଯକ୍ଷା ଶ୍ରୀମତୀ ସାହୁ । ଆଇନଜୀବୀ, ସାହିତ୍ଯିକା ଏବଂ ସାମ୍ବାଦିକା ସସ୍ମିତା ରାଉତଙ୍କ ସମେତ କେତେଜଣ ସାମ୍ବାଦିକ ମଧ୍ୟ ନିଜ ନିଜର ବକ୍ତବ୍ୟ ରଖିଥିଲେ । ଏହି ପରିପ୍ରେକ୍ଷୀରେ କେତେଜଣ ସାମ୍ବାଦିକ ମାନଙ୍କୁ ମାନପତ୍ର, ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ ମୁଖ୍ୟ ଅତିଥି ବ୍ଲକ ଅଧ୍ଯକ୍ଷା ଶ୍ରୀମତୀ ସାହୁ । ଆରମ୍ଭରୁ ଶେଷ ପର୍ଯ୍ୟନ୍ତ କାର୍ଯ୍ୟକ୍ରମ ପରିଚାଳନା କରିଥିଲେ ଅପରାହ୍ନ ସହିତ ଜଡିତ ଥିବା ଜ୍ଯୋର୍ତିମୟୀ ଶତପଥୀ ଏବଂ ଆଇନଜୀବୀ, ସାହିତ୍ଯିକା ଓ ସାମ୍ବାଦିକା ଶ୍ରୀମତୀ ରାଉତ । ଏଥିରେ ଅନେକ ସାମ୍ବାଦିକ ଉପସ୍ଥିତ ହୋଇ କାର୍ଯ୍ୟକ୍ରମଟିକୁ ସଫଳ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
