ଚନ୍ଦାହାଣ୍ଡି -(26/8ଦିଲୀପ ଦାସ ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ଦଣ୍ଡାମୁଣ୍ଡା ଗ୍ରାମର ଗଣପତି ମାଝୀ ଙ୍କ ପତ୍ନୀ ଗଞ୍ଚେ ମାଝୀ ଙ୍କୁ ବେହେରାମୁଣ୍ଡା ପଂଚାୟତ ଝାଲିଆପଡା ଗ୍ରାମର ତନୁରାମ ଖମାରି ରକ୍ତଦାନ କରି ମାନବିକତାର ପରିଚୟ ଦେଇଛନ୍ତି l ସୂଚନା ଅନୁଯାୟୀ ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ଦଣ୍ଡାମୁଣ୍ଡା ଗ୍ରାମରେ ରହୁଥିବା ମହିଳା ଗଞ୍ଚେ ମାଝୀ ସିକଲସେଲ ରୋଗରେ 
ପୀଡିତ ହୋଇ ଅସୁସ୍ଥତା ଥିବା ସହ ହିମୋଗ୍ଲୋବିନ ଦୁଇ ହେବାରୁ ପରିବାର ଲୋକ ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ l ଡାକ୍ତର ତାଙ୍କ ସ୍ୱାସ୍ଥ୍ୟ ପରୀକ୍ଷା କରିବା ପରେ ତାଙ୍କ ହିମୋଗ୍ଲୋବିନ ପରିମାଣ ଆବଶ୍ୟକତା ଠାରୁ କମ ପ୍ରତିଶତ ରହିଥିବାରୁ ତୁରନ୍ତ ବି +ରକ୍ତର ଆବଶ୍ୟକତା ଥିବା ପରାମର୍ଶ ଦେଇଥିଲେ l ତେବେ ଗଞ୍ଚେ ଙ୍କ ପରିବାର ଲୋକେ ରକ୍ତ ଯୋଗାଡ଼ କରିବା ନେଇ ଚିନ୍ତାରେ ପଡ଼ିଥିଲେ l ଏହି ସମୟରେ ଗଞ୍ଚେ ଙ୍କୁ ରକ୍ତର ଆବଶ୍ୟକ ଥିବା ନେଇ ମେସେଜ ଭାଇରାଲ ହୋଇଥିଲା l ଏହା ଦେଖି ନଳକୂପ ମରାମତି ମେକାନିକ ତନୁରାମ ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ପହଞ୍ଚି ଏକ ୟୁନିଟ ବି ପଜିଟିଭ ରକ୍ତଦାନ କରି ମହାନ କାର୍ଯ୍ୟ କରିଛନ୍ତି l ତନୁ ଙ୍କ ଏଭଳି ମହତ କାର୍ଯ୍ୟକୁ ବିଭିନ୍ନ ମହଲରେ ପ୍ରଂଶସା କରାଯାଇଛି l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
