ନିର୍ବାଚିତ ସରପଞ୍ଚ ମାନଙ୍କୁ ନେଇ ଗଠନ ହେଲା ସରପଞ୍ଚ ସଂଘ
ବାଲେଶ୍ଵର,୧୧/୯/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ପଞ୍ଚାୟତ କାର୍ଯ୍ୟାଳୟ ପରିସରରେ କାର୍ଯ୍ୟରତ ସରପଞ୍ଚ ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ରତ୍ନାକର ଦଳେଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଖଇରା ବ୍ଲକର ୩୭ ଗୋଟି ପଞ୍ଚାୟତର ସରପଞ୍ଚ ମାନେ ଉପସ୍ଥିତ ଥିଲେ । ବର୍ତ୍ତମାନ ସମୟରେ ସରକାରୀ କିମ୍ବା ବେସରକାରୀ କ୍ଷେତ୍ରରେ ଏକ ସଂଘର ଆବଶ୍ୟକତା ଦେଖାଦେଇଛି । ଯାହାଦ୍ୱାରା ବ୍ଲକ ସ୍ତରରେ ନିଜ ନିଜ ପଞ୍ଚାୟତର ହକ ପାଇବା ପାଇଁ ନିର୍ବାଚିତ ପ୍ରତିନିଧିମାନେ ନିଜ ପଞ୍ଚାୟତର ପ୍ରତ୍ୟେକ ଦାବିକୁ ସରକାରଙ୍କ ନିକଟରେ ରଖି ପାରିବେ । ଏଥି ନିମନ୍ତେ ସମଗ୍ର ରାଜ୍ୟରେ ସମସ୍ତ ସରପଞ୍ଚ ମାନଙ୍କୁ ନେଇ ସରପଞ୍ଚ ମହାସଂଘ ଗଠନ ହେବାରେ ଲାଗିଛି । ବିଭିନ୍ନ ସମସ୍ୟା ବାବଦରେ ଆଲୋଚନା ଓ ପର୍ଯ୍ଯାଲୋଚନା ପରେ ସଂଘ ଗଠିତ ହୋଇଥିଲା । ଯେଉଁଥିରେ ସଭାପତି ଭାବେ ଜୟନ୍ତୀ ପତି, ସମ୍ପାଦକ ମଦନ ମୋହନ ସାନ୍ତରା, କୋଷାଧ୍ୟକ୍ଷ ଦୟାନିଧି ନାୟକ ଓ ଉପସଭାପତି ଭାବେ ରବିନ୍ଦ୍ର ନାୟକଙ୍କୁ ଉପସ୍ଥିତ ସମସ୍ତ ସରପଞ୍ଚ ମାନଙ୍କ ସହମତିରେ ସର୍ବସମ୍ମତି କ୍ରମେ ମନୋନୀତ କରାଯାଇଛି । ଏଥିରେ ମୋଟ ୧୫ ଗୋଟି ଦାବି ଉପରେ ଆଲୋଚନା ହୋଇଥିଲା । ଶେଷରେ ଧନ୍ୟବାଦ ଅର୍ପଣ କରିଥିଲେ ଅଜୟ ନାୟକ ।।
ବାଲେଶ୍ଵର ରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
