ଅନୁଷ୍ଠିତ ହେଲା ପଞ୍ଚାୟତର ମାସିକ ବୈଠକ
ବାଲେଶ୍ଵର,୨୨/୯/୨୩ – ବାଲେଶ୍ଵର ଜିଲ୍ଲା ଖଇରା ବ୍ଲକ ବର୍ତ୍ତନା ପଞ୍ଚାୟତ ଗୃହ ମଧ୍ୟ ପଞ୍ଚାୟତର ମାସିକ ବୈଠକ ଅନୁଷ୍ଠିତ ହୋଇଯାଇଛି । ସରପଞ୍ଚ ବୀଣାପାଣି ପଣ୍ଡାଙ୍କ ଅଧ୍ଯକ୍ଷତାରେ ବୈଠକ ଅନୁଷ୍ଠିତ ହୋଇଥିଲା । ସମିତି ସଭ୍ୟା ରଶ୍ମିବାଳା କର ମଧ୍ୟ ବୈଠକରେ ଉପସ୍ଥିତ ଥିଲେ । ବୈଠକ ପ୍ରାରମ୍ଭରେ ପୂର୍ବତନ ସରପଞ୍ଚ ବାବାଜି ଚରଣ ସେଣ୍ଢଙ୍କ ସ୍ମୃତି ଉଦ୍ଦେଶ୍ୟରେ ୨ ମିନିଟ ନୀରବ ପ୍ରାର୍ଥନା ପାଇଁ ସରପଞ୍ଚ ଶ୍ରୀମତୀ ପଣ୍ଡାଙ୍କ ପ୍ରସ୍ତାବ ଆଗତ ପରେ ସମସ୍ତେ ଛିଡା ହୋଇ ନୀରବ ପ୍ରାର୍ଥନା କରିଥିଲେ । ପରେ ସରପଞ୍ଚ ବୈଠକ କାର୍ଯ୍ୟ ଆରମ୍ଭ କରିଥିଲେ । ଉକ୍ତ ବୈଠକରେ ୨୦୨୩ ମସିହା ବଜେଟ ଓ ଜିପିଡିପି ଉପରେ ବିସ୍ତୃତ ଭାବେ ଆଲୋଚନା ହୋଇଥିଲା । ଏଥିରେ ପଞ୍ଚାୟତର ୱାର୍ଡ ସଭ୍ୟ/ସଭ୍ୟା ମାନେ ଉପସ୍ଥିତ ହୋଇ ବୈଠକରେ ଅଂଶ ଗ୍ରହଣ କରିଥିଲେ । ଶେଷରେ ସରପଞ୍ଚ ସମସ୍ତଙ୍କୁ ଧନ୍ୟବାଦ ଦେଇ ବୈଠକ ସମାପ୍ତ କରିଥିଲେ ।।