ଗୋଲାମୁଣ୍ଡା ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ ଗିରଫ !
୨୦୨୧-୨୨ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଚାଷୀ ଙ୍କ ଅର୍ଥ ହଡପ ଘଟଣା ରେ ସଂପୃକ୍ତି ଅଭିଯୋଗ ରେ ଗିରଫ ହେଲେ ବିନ୍ଦୁ ମହାନନ୍ଦ।
କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ ଙ୍କୁ ଆଜି ପୁଲିସ ଗିରଫ କରିଛି। ୨୦୨୧-୨୨ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ରେ ଚାଷୀ ଙ୍କ ନାମ ରେ ଅର୍ଥ ହଡ଼ପ ଘଟଣା ରେ ସଂପୃକ୍ତି ନେ଼ଇ ତାଙ୍କୁ ଗିରଫ କରାଯାଇଥିବା ଧର୍ମଗଡ ଏସଡିପିଓ ଧିରଜ୍ ଚୋପଦାର୍ ପ୍ରେସ ରିଲିଜ ମାଧ୍ୟମ ରେ ସୂଚନା ଦେଇଛନ୍ତି ।
ସୂଚନା ଅନୁଯାୟୀ, କେଗାଁ ଥାନା ରେ କ୍ଷେତ୍ର ମୋହନ ବାଗ ନାମକ ଜଣେ ଚାଷୀ ସେ ନ ଜାଣି ତାଙ୍କ ନାମ ରେ ବୀମା ରାଶି ଟଙ୍କା ଉଠାଯାଇଥିବା ନେଇ କେଗାଁ ଥାନା ରେ ଲିଖିତ ଅଭିଯୋଗ କରିଥିଲେ । କେସ ନଂ -୧୯୨ ଦଫା-୪୧୯/୪୨୦/୪୬୭/୪୬୮ /୪୭୧/୩୪ ଆଇପିସି ରେ ମାମଲା ରୁଜୁ ହୋଇ ପରେ ତଦନ୍ତ ଆରମ୍ଭ ହୋଇଥିଲା ।
ଏହି ଘଟଣା ରେ ପୂର୍ବରୁ ଏଥିରେ ସଂପୃକ୍ତ ଥିବା ବାଳକୃଷ୍ଣ ପଟେଲ କୁ ଗିରଫ କରିଛି ପୋଲିସ।