ଉମୁରାହାଣ୍ଡି ନଦୀକୂଳରୁ ମିଳିଲା ମୄତ ଯୁବକର ଆପାଚି ବାଇକ୍
ନବରଙ୍ଗପୁର -(ମ ନି ସ ) ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ଉମୁରାହାଣ୍ଡି ଗ୍ରାମ ନିକଟ ଅଙ୍ଗୀ ନଦୀ ରୁ ମିଳିଲା ମୃତ ଯୁବକର ଆପାଚି ବାଇକ୍ । ଏଇ କିଛି ଦିନ ହେଲା ପୂର୍ବରୁ ମଇଦଲପୁର ଥାନା ବାବାଜୀଗୁଡା ଜଙ୍ଗଲରୁ ଉଦ୍ଧାର ହୋଇଥିଲା ମାଟି ତଳେ ପୋତା ଯାଇଥିବା ଅବସ୍ଥାରେ ମୃତ ଯୁବକଙ୍କର ଗଳିତ ଶବ । ମୃତକ ଜଣଙ୍କ ଝରିଗାଁ ଥାନା ଛଟାଗୁଡାଗ୍ରାମର କବାଡ଼ି ବେପାର କରୁଥିବା ରାଜା ମାଲାକାର(୨୩) । ରାଜାଙ୍କ ନିଖୋଜ ମାମଲାକୁ ଭିତ୍ତିକରି ପୁଲିସ ଦୁଇ ଜଣ ଯୁବକଙ୍କୁ କାବୁ କରିବା ପରେ ଘଟଣା ସମ୍ପର୍କରେ ଜଣା ପଡିଥିଲା l ସୂଚନାକୁ ଆଧାର କରି ପୋଲିସ ମଇଦଲପୁର ଥାନା ଅଧିନସ୍ଥ ବାବାଜୀଗୁଡା ରେ ଖୋଜା ଖୋଜି କରି ଜଙ୍ଗଲ ମଧ୍ୟରେ ପୋତା ହୋଇଥିବା ଅବସ୍ଥାରେ 
ଗଳିତ ଶବ କୁ ଉଦ୍ଧାର କରିଥିଲେ l ପୁଲିସ କାବୁ କରିଥିବା ଦୁଇ ଯୁବକଙ୍କ କହିବା ଅନୁସାରେ ରାଜାଙ୍କ ସହ ଏମାନେ କୋଡିଙ୍ଗା ଥାନା ଅଞ୍ଚଳରେ ଏକ ଚୋରି କରିବାକୁ ଯାଇଥିଲେ l ତେବେ ବିଦ୍ୟୁତ୍ ଆଘାତରେ ରାଜାଙ୍କର ମୃତ୍ୟୁ ହେବାରୁ ଶବକୁ ଜଙ୍ଗଲରେ ମଧ୍ୟରେ ପୋତି ଦେଇ ଆସିଥିଲେ l ତଦନ୍ତ ଜାରି ରହିଥିବା ଯୋଗୁଁ ଆଜି ଗୁରୁବାର ଅପରାହ୍ନରେ ଡାବୁଗାଁ ବ୍ଳକ ଉମରାହାଣ୍ଡି ପାଖ ଅଙ୍ଗୀ ନଦୀରୁ ମୃତ ଯୁବକର ଆପାଚି ବାଇକ୍ କୁ ଉଦ୍ଧାର କଲା ପୋଲିସ l ଆଜି ବାଇକ୍ ଉଦ୍ଧାର କରିବା ସମୟରେ ଉପସ୍ଥିତ ଥିଲେ ଡାବୁଗାଁ ଥାନା ଅଧିକାରୀ ସୁନୀଲ କୁମାର ପ୍ରଧାନ, କୋଡିଙ୍ଗା ଥାନା ଅଧିକାରୀ ଯୁଗଳ ଶବର ଓ ଡାବୁଗାଁ ଅଗ୍ନିଶମ କର୍ମଚାରୀ ବୃନ୍ଦ l ବାଇକ୍ ଜବତ କରାଯାଇ ଡାବୁଗାଁ ଥାନାକୁ ଅଣାଯାଇଛି l ତଦନ୍ତ ଚାଲୁ ରହିଥିବା ଦୁଇ ଥାନା ଅଧିକାରୀ ସୂଚନା ଦେଇଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ସହ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ ମସିହା ନିଉଜ୍
