ଜ୍ଞାନ ଆହରଣ ପାଇଁ ଛାତ୍ର ଛାତ୍ରୀମାନଙ୍କ ଶିଳ୍ପ ସଂସ୍ଥା ପରିଦର୍ଶନ
ଜୁନାଗଡ଼,୩୦/୯(ମ ନି ସ)ଜୁନାଗଡ଼ ବ୍ଳକ୍ ଅନ୍ତର୍ଗତ କୁରୁଗୁଡା ଉଚ୍ଚ ବିଦ୍ୟାଳୟ ର ଧନ୍ଦାମୂଳକ ଶିକ୍ଷା ବିଭାଗ ଦ୍ଵାରା ଖୁଚୁରା ବ୍ୟବସାୟ ର ନବମ ଓ ଦଶମ ଶ୍ରେଣୀର ୫୩ ଜଣ ଛାତ୍ର ଛାତ୍ରୀ ମାନେ ଶିଳ୍ପ ସଂସ୍ଥା ପରିଦର୍ଶନ କରିଛନ୍ତି। ଉକ୍ତ କାର୍ଯ୍ୟକ୍ରମ ର ସଂପୃକ୍ତ ବିଭାଗ ର ମୁଖ୍ୟ କମଳିନୀ ପ୍ରଧାନ ଙ୍କ ତତ୍ତ୍ଵାବଧାନ ରେ ଅନୁଷ୍ଠିତ ହୋଇଥିଲା । ଧନ୍ଦାମୂଳକ ଶିକ୍ଷା ଫଳରେ ନିଶ୍ଚିତ ଭାବରେ ଛାତ୍ର 
ଛାତ୍ରୀ ମାନେ ଲାଭବାନ ହୋଇପାରିବେ ଏବଂ ଭବିଷ୍ୟତ ରେ ଆତ୍ମନିର୍ଭରଶୀଳ ହେବାର କୌଶଳ ଶିକ୍ଷା ଯୋଗୁଁ ଆଗାମୀ ଦିନରେ ନିଜକୁ ସ୍ଵାଭିମାନ ତଥା ଆତ୍ମନିର୍ଭରଶୀଳ ର ପରିଚୟ ଦେଇପାରିବେ । ନବମ ଓ ଦଶମ ଶ୍ରେଣୀ ର ଛାତ୍ରଛାତ୍ରୀ ଜୁନାଗଡ଼ ସ୍ଥିତ ଟ୍ରେଣ୍ଡ ସପିଂ ମଲ୍ କୁ ଯାଇ ପ୍ରତ୍ୟକ୍ଷ ଜ୍ଞାନ ଆହରଣ କରିଥିଲେ । ଟ୍ରେଣ୍ଡ ର ମୁଖ୍ୟ ପରିଚାଳକ ଛାତ୍ରଛାତ୍ରୀ ମାନଙ୍କୁ ସେଳ୍ଫ୍, ବ୍ରାଣ୍ଡ କପଡା, କିପରି କପଡା କୁ ସ୍ମଲ ସାଇଜ ରୁ ଏସ,ଏମ, ଏଲ, ଏକ୍ସଏଲ ସାଇଜ ଆକାର ରେ ସଜାଯାଏ; ଗ୍ରାହକ ଙ୍କୁ କିପରି ଉତ୍ତମ ବ୍ୟଵହାର ପ୍ରଦର୍ଶନ କରାଯାଏ,ସେ ବିଷୟ ରେ ଅବଗତ କରାଇଥିଲେ ।ଉକ୍ତ କାର୍ଯ୍ୟକ୍ରମ ରେ ବିଦ୍ୟାଳୟ ର ପ୍ରଧାନ ଶିକ୍ଷକ ହୃଷିକେଶ ମେହେର ଙ୍କ ନିର୍ଦେଶ ରେ ବିଜ୍ଞାନ ଶିକ୍ଷକ ତଥା ଏନ୍.ସି.ସି ଅଫିସର୍ ସନ୍ତୋଷ କୁମାର ମେହେର ସକ୍ରିୟ ଅଂଶ ଗ୍ରହଣ କରି ଛାତ୍ର ଛାତ୍ରୀ ଙ୍କୁ ଉତ୍ସାହିତ କରାଇଥିଲେ। ସରକାର ଙ୍କ ଏ ଭଳି ଅଭିନବ ପଦକ୍ଷେପ ଏବଂ ସାଧୁ ଉଦ୍ୟମ୍ କୁ ସ୍ଥାନୀୟ ବୁଦ୍ଧିଜୀବୀ ମହଲ ରେ ମଧ୍ୟ ଉଚ୍ଚ ପ୍ରଶଂସା କରାଯାଇଛି। ପରିଶେଷରେ ବରିଷ୍ଠ ବିଜ୍ଞାନ ଶିକ୍ଷକ ସୁଶୀଳ କୁମାର ନାଗ ସମସ୍ତ ଙ୍କ ମିଳିତ ସହଯୋଗ ପାଇଁ ଧନ୍ୟଵାଦ ଦେଇଥିଲେ ।
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
