ମହୁଲପାଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ସ୍ବଚ୍ଛତା ହିଁ ସେବା ଦିବସ ପାଳନ
କାମାକ୍ଷାନଗର (ମନିସ )1/10/23 // ଯଶସ୍ବି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ କ୍ରମେ ସାରା ଦେଶରେ ସ୍ବଛତା ହିଁ ସେବା ଦିବସ ପାଳନ କରାଯାଉଛି । ସେହିପରି ଢ଼େଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ମହୁଲପାଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ମଧ୍ୟ ପାଳିତ ହୋଇଯାଇଛି ଏହି ଦିବସ । ସ୍ବାସ୍ଥ୍ୟକେନ୍ଦ୍ରର ମୁଖ୍ୟ ଡଃ ପୁଷ୍ପାଞ୍ଜଳି ବେହେରାଙ୍କ ତତ୍ବାବଧାନରେ ସମସ୍ତ ସ୍ବାସ୍ଥ୍ୟ କର୍ମଚାରୀ ମିଳିତଭାବେ ପାଳନ କରିଛନ୍ତି । ପ୍ରଥମେ ସ୍ବାସ୍ଥ୍ୟକେନ୍ଦ୍ର ସ୍ଥିତ ଏକ ସଭାଗୃହରେ ଡଃ ବେହେରା ସମସ୍ତଙ୍କୁ ସ୍ବଛତା ହିଁ ସେବା ସମ୍ପର୍କରେ ସବିଶେଷ ବିବରଣୀ ଜଣାଇଥିଲେ । ପ୍ରଥମେ ସ୍ବାସ୍ଥ୍ୟ କେନ୍ଦ୍ର ପରିସର ସଫା କରିବା ସହିତ ବୃକ୍ଷ ରୋପଣ କାର୍ଯକ୍ରମ ସମାପନ କରାଯାଇଥିଲା । ପରେ ସଚେତନତା ପାଇଁ ସମସ୍ତେ ଏକ ରାଲି ଯୋଗେ ସ୍ବାସ୍ଥ୍ୟକେନ୍ଦ୍ରରୁ ବାହାରି ସ୍ଥାନୀୟ ଅଞ୍ଚଳ ପରିଭ୍ରମଣ କରିଥିଲେ । ନିଜେ ସଫା ରହିବା ସହିତ ନିଜର ଚତୁଃପାର୍ଶ୍ଵ ସଫା ରଖିବାକୁ ଲୋକମାନଙ୍କୁ ସଚେତନ କରାଇଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ଜିଲ୍ଲାପରିଷଦ ସଦସ୍ୟ ଶ୍ରୀ ସୁବାଷ ଚନ୍ଦ୍ର ମାଝୀ ଯୋଗ ଦେଇ ସମସ୍ତଙ୍କୁ ସ୍ବଛତାର ବାର୍ତ୍ତା ଦେଇଥିଲେ ।