ମାଁ ଲଙ୍କେଶ୍ୱରୀ କପ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ
ଜୁନାଗଡ଼ ୨/୧୦(ମ ନି ସ): କଳାହାଣ୍ଡି ଜିଲ୍ଲା ଜୁନାଗଡ଼ ହାଇସ୍କୁଲ ଖେଳ ପଡିଆଠାରେ ଆଜି ଲାଲବାହାଦୁର ଶାସ୍ତ୍ରୀ କ୍ଲବ ଆନୁକୂଲ୍ୟରେ ହେଉଥିବା ମାଁ ଲଙ୍କେଶ୍ୱରୀ କପ ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦଘାଟିତ ହୋଇଛି । ଉଦଘାଟନୀ ଉତ୍ସବରେ ଲାଲବହାଦୁର ଶାସ୍ତ୍ରୀ କ୍ଲବର ସଭାପତି ଭବାନୀ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ନଗରପାଳ ମୂକେଶ ଅଗ୍ରୱାଲ ମୁଖ୍ୟ ଅତିଥି ଭାବେ ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ । ସମ୍ମାନିତ ଅତିଥି ଭାବେ ପୁର୍ବତନ ଫୁଟବଲ ଖେଳାଳି ସଚିତାନନ୍ଦ ବରାଡ଼, ଖଗେଶ୍ବର ଦଣ୍ଡସେନା, ପଞ୍ଚାନନ ଧଙ୍ଗଡାମାଝୀ, ସତ୍ୟ ଦଣ୍ଡସେନା ପ୍ରମୁଖ ଯୋଗଦେଇଥିଲେ । 
ଲାଲବହାଦୁର ଶାସ୍ତ୍ରୀ କ୍ଲବର ସମ୍ପାଦକ ରାଜେଶ ପଣ୍ଡା, ସନ୍ତୋଷ ପଟ୍ଟନାୟକ, ଲୋକନାଥ ଧଙ୍ଗଡାମାଝୀ, ରତନ ଧଙ୍ଗଡାମାଝୀ ପ୍ରମୁଖ ଖେଳ ପରିଚଳନା କରିଥିଲେ । ଆଜିର ପ୍ରଥମ ଖେଳ ଲାଲବହାଦୁର ଶାସ୍ତ୍ରୀ କ୍ଲବ ବନାମ ନବମ ଆଇଆରବି ବାଟାଲୀୟନ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା । ଏଥିରେ ଆଇଆରବି ଦଳ ବିଜୟୀ ହୋଇଥିଲେ । ଏହି ଫୁଟବଲ ଟୁର୍ଣ୍ଣାମେଣ୍ଟ ରେ ବିଭିନ୍ନ ଦଳ ଭାଗ ନେଇଥିବା ବେଳେ ଆସନ୍ତା ୬ ତାରିଖ ଖଣ୍ଡାବସା ଦିନ ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି ।
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
