ଡାବୁଗାଁ ରେ ଭୋଟର ସଚେତନତା ରଥ ଗଡ଼ିଲା
ଡାବୁଗାଁ, ୫/୧୧(ମ. ନି. ସ.)- ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ରେ ଭୋଟର ସଚେତନତା ରଥ ଗଡିଲା l ରବିବାର ଡାବୁଗାଁ ବିଡିଓ ଶରତ ମାଝୀ ଙ୍କ ଦ୍ଵାରା ଶୁଭାରମ୍ଭ ହୋଇ ଥିଲା ଉକ୍ତ ଭୋଟର ସଚେତନତା ରଥ l ସହଯୋଗ କରିଥିଲେ ଭାରପ୍ରାପ୍ତ ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ଏ ଡି ପ୍ରସାଦ ଓ ବୁଥ ସ୍ତରୀୟ ଅଧିକାରୀ ବିଶ୍ୱେଷ କୁମାର ତ୍ରିପାଠୀ ସହଯୋଗ କରିଥିଲେ l ଡାବୁଗାଁ ବ୍ଲକ ର ସମସ୍ତ ଭୋଟ ଦାନ କେନ୍ଦ୍ର ମାନଙ୍କରେ ଗତ ତା ୨୭/୧୦/୨୦୨୩ ରୁ ଆସନ୍ତା ତା୯/୧୨/୨୦୨୩ ପର୍ଯ୍ୟନ୍ତ ଭୋଟର ତାଲିକାର ସ୍ଵତନ୍ତ୍ର ସଂଶୋଧନ କାର୍ଯ୍ୟକ୍ରମ ଚାଲୁ 
ରହିଛି l ଚଳିତ ଭୋଟର ତାଲିକା ସ୍ଵତନ୍ତ୍ର ସଂକ୍ଷିପ୍ତ ସଂଶୋଧନ- ୨୦୨୪ ଭାରତ ନିର୍ବାଚନ ଆୟୋଗ ଙ୍କ ପ୍ରଦତ୍ତ କାର୍ଯ୍ୟକ୍ରମ ସୂଚୀ ଅନୁସାରେ ତା୨୭l /୧୦/ ୨୦୨୩ ଠାରୁ ତା୯/୧୨/୨୦୨୩ ପର୍ଯ୍ୟନ୍ତ ଭୋଟର ତାଲିକା ସଂଶୋଧନ କାର୍ଯ୍ୟକ୍ରମରେ ଭୋଟର ଆପତ୍ତି ଅଭିଯୋଗ କିମ୍ବା ନୂତନ ଭାବେ ଗ୍ରହଣ କରାଯିବ l ଯାହାର ଚୁଡାନ୍ତ ତାଲିକା ତା ୫/୧/୨୦୨୪ ରେ ପ୍ରକାଶ ପାଇବ l ଭୋଟ ସଂଯୋଗୀକରଣ, ସଂଶୋଧନ, ମୃତ କିମ୍ବା ସ୍ଥାନାନ୍ତରିତ, ଭୋଟର ମାନଙ୍କର ନାମ ବାଦ କରିବାକୁ ଥିଲେ ଏହି ନିର୍ଦ୍ଧାରିତ ସମୟରେ ନିକଟସ୍ଥ ଭୋଟ ଦାନ କେନ୍ଦ୍ର ତଥା ବୁଥ୍ ସ୍ତରୀୟ ଅଧିକାରୀ ଙ୍କ ପାଖରେ ଆବେଦନ କରି ପାରିବେ l ଭୋଟର ତାଲିକାରେ ନିଜ ନାମ ଯାଞ୍ଚ କରିବା ପାଇଁ ଗତ ତା ୨୭/୧୦/୨୦୨୩ ରେ ପ୍ରକାଶ ପାଇଥିବା ଭୋଟର ତାଲିକାରେ ଦେଖି ପାରିବେ ଏବଂ ନିଜ ନାମ ନ ଥିଲେ ସଂକ୍ଷିପ୍ତ ସଂଶୋଧନ କାର୍ଯ୍ୟକ୍ରମରେ ନାମ ପଞ୍ଜୀକରଣ କରାଇ ଆଗାମୀ ସାଧାରଣ ନିର୍ବାଚନରେ ଅଂଶଗ୍ରହଣ କରି ପାରିବେ l ଯେଉଁ ଯୁବତୀ ଯୁବକ ୧/୧/୨୦୨୪ ପୂର୍ବରୁ ୧୮ ବର୍ଷ ରେ ପଦାର୍ପଣ କରିବାକୁ ଯାଉଛନ୍ତି, ସେମାନେ ଆବେଦନ କରି ପାରିବେ l ନଭେମ୍ବର ମାସ ତା ୫,୧୧,୧୯ ଓ ୨୫ ରେ ଭୋଟର ତାଲିକା ସମ୍ବନ୍ଧୀୟ ତ୍ରୁଟି ସଂଶୋଧନ କରିପାରିବେ l ଏଥି ନେଇ ଉକ୍ତ ସଚେତନତା ରଥ ବ୍ଲକର ବିଭିନ୍ନ ଗ୍ରାମ ମାନଙ୍କରେ ବୁଲି ଜନସାଧାରଣଙ୍କ ପାଖରେ ସଚେତନତାର ବାର୍ତ୍ତା ପହଞ୍ଚାଉଛି l
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
