ରାମଚରିତ ମାନସ ପାରାୟଣ ଓ ପ୍ରବଚନ
ରାଉରକେଲା/ ସେକ୍ଟର ୧୯ ଆଖଣ୍ଡଳମଣି ମନ୍ଦିରରେ ରାମଚରିତ ମାନସ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ପ୍ରତ୍ୟେକ ସନ୍ଧ୍ୟାରେ ଅନୁଷ୍ଠିତ ହେଉଥିବା ଏହି କାର୍ଯ୍ୟକ୍ରମ ୯ ଦିନ ଧରି ଚାଲିବ। ମୁଖ୍ୟଅତିଥି ଭାବେ ସମାଜସେବୀ ତଥା ସଚେତନ ନାଗରିକ ମଞ୍ଚର ସଭାପତି ଵିମଳ କୁମାର ବିଶି ଯୋଗଦେଇ ଏଭଳି ପ୍ରବଚନ ର ଆବଶ୍ୟକତା ଓ ଗୁରୁତ୍ବ ଉପରେ ବିସ୍ତୃତ ଆଲୋଚନା କରିଥିଲେ। କାର୍ଯ୍ୟକ୍ରମରେ ପ୍ରବଚକ ସ୍ବାମୀ ସ୍ବରୁପାନନ୍ଦ ସରସ୍ଵତୀ ମହାରାଜ, ସ୍ବାମୀ ବ୍ରହ୍ମ ସାକ୍ଷାତକାର ନନ୍ଦ ସରସ୍ଵତୀ ମହାରାଜ, ପ୍ରଣବାନନ୍ଦ ମହାରାଜ ପ୍ରମୁଖ ପ୍ରବଚନ ଦେଉଛନ୍ତି। ଏହି କାର୍ଯ୍ୟକ୍ରମରେ ଶ୍ରଦ୍ଧାଳୁମାନେ ଯୋଗଦେଇ ଶ୍ରୀରାମଚନ୍ଦ୍ରଙ୍କ ଦିବ୍ୟ କୃପା ଲାଭ କରିବାକୁ ଆୟୋଜନ କମିଟି ତରଫରୁ ନିବେଦନ କରାଯାଇଛି।