ମୋଟର ସାଇକେଲ ଦୁର୍ଘଟଣା ୩ ଆହତ
ଡାବୁଗାଁ, ୨୨/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଭୀମାଗୁଡା ଗ୍ରାମ ନିକଟ ଜଙ୍ଗଲ ମଧ୍ୟରେ ବୁଧବାର ଅପରାହ୍ନରେ ମୋଟରସାଇକେଲ ଦୁର୍ଘଟଣା ଘଟି ୩ ଜଣ ଆହତ ହୋଇଛନ୍ତି | ସୂଚନାଯୋଗ୍ୟ:- ଆଜି ଅପରାହ୍ନ ପ୍ରାୟ 
୩. ୩୦ ଘ. ସମୟରେ ଡାବୁଗାଁ – ମେଦନା ପୂର୍ତ୍ତ ବିଭାଗ ରାସ୍ତାରେ ଡାବୁଗାଁ ପଟୁ ମେଦନା ଆଡକୁ ଯାଉଥିବା ଏକ ମୋଟରସାଇକେଲ ନଂ ସି ଜି ୦୪ ଏଚଆର ୨୭୮୯ ଯୋଗେ ୩ ଜଣ ଯାଉଥିବା ବେଳେ ଭୀମାଗୁଡାଗ୍ରାମ ପୂର୍ବରୁ 
ଜଙ୍ଗଲ ମଧ୍ୟରେ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଛକୁ ଧକ୍କା ଦେଇଥିଲେ | ଫଳରେ ମୋଟର ସାଇକେଲରେ ଥିବା ୩ ଜଣ ରାସ୍ତାରେ ଛିଟିକି ପଡି ଆହତ ହୋଇଥିଲେ | ଖବରପାଇ ଡାବୁଗାଁ ଅଗ୍ନିସମ କେନ୍ଦ୍ର କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ 
ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ଆହତ ମାନେ ହେଲେ ଡାବୁଗାଁ ବ୍ଲକ ର ଅଞ୍ଚଳା ପଞ୍ଚାୟତ ଅଧୀନ ପାଣ୍ଡିକିଛାପର ଗ୍ରାମର ବୁଦୁରୁ ସାନ୍ତା (୨୧) ଓ ତାଙ୍କ ସ୍ତ୍ରୀ ରତ୍ନା ସାନ୍ତା (୧୮) ଏବଂ ତାଙ୍କ ସଡୁ ପାପଡାହାଣ୍ଡି ବ୍ଲକ ମାନିଗାଁ ପଞ୍ଚାୟତ ଅଧୀନ ରାଣିସୋଲା ଗ୍ରାମର ସୁନାଧର ସାନ୍ତା (୨୩) | ଡାବୁଗାଁ ଥାନା ଏଏସଆଇ ଚନ୍ଦ୍ରଶେଖର ହଜାରୀ ଘଟଣାସ୍ଥଳରେ ପଞ୍ଚଛି ଦୁର୍ଘଟଣାଗ୍ରସ୍ତ ମୋଟରସାଇକେଲ ଜବତ କରି ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
