ଵହଳଦା! ବାଗଡେଗା ଗ୍ରାମରେ୪୧ ତମ ମା’ ଲକ୍ଷ୍ମୀଙ୍କ ପୂଜା ଧୂମଧାମରେ ପାଳିତ
ମୟୂରଭଞ୍ଜ- ୧୬/୧୨ ( ମସିହା) ଧନଦାତ୍ରୀ ହେଉଛନ୍ତି ମା’ ଲକ୍ଷ୍ମୀ । ପବିତ୍ର ମାର୍ଗଶିର ମାସ ଶେଷ ଗୁରୁବାର ଦିନ ମା’ ଲକ୍ଷ୍ମୀଙ୍କୁ ଗାଁ ଗଣ୍ଡାରେ ପୂଜାର୍ଚ୍ଚନା କରାଯାଇଥାଏ । ମୟୂରଭଞ୍ଜ ଜିଲ୍ଲାର ବହଳଦା ବ୍ଳକର ରାଜସ୍ବ ବାଗଡେଗା ଗ୍ରାମର ଅଗ୍ରଣୀ ସାଂସ୍କୃତିକ ଓ ସାମାଜିକ ସ୍ଵେଚ୍ଛାସେବୀ ଅନୁଷ୍ଠାନ ‘ ପ୍ରଗତି କ୍ଲବ’ ତଥା ପୂଜା କମିଟି ଆନୁକୁଲ୍ୟରେ ସେବା ନିବୃତ ଶିକ୍ଷକ ଭଗବାନ ମହାନ୍ତିଙ୍କ କହିବା ଅନୁସାରେ ୧୯୮୨ ମସିହାରୁ ଆରମ୍ଭ ହୋଇ ୪୧ ତମ ମା’ ଲକ୍ଷ୍ମୀ ଙ୍କ ପୂଜା ଧୂମଧାମରେ ତିନିଦିନ ଧରି ପାଳନ କରାଯାଇଛି ।ଵହଳଦଆ- ତିରିଂ ରାସ୍ତା ଜାତୀୟ ରାଜପଥ ୨୨୦ ନମ୍ବର ପାର୍ଶ୍ଵରେ ଆକର୍ଷଣୀୟ ତୋରଣ ଓ ମନଓଲଓଭଆ ମା’ଙ୍କ ମୃଣ୍ମୟ ମୂର୍ତ୍ତି ଦେଖିବାକୁ ବହୁତ ସଂଖ୍ୟାରେ ଶ୍ରଦ୍ଧାଳୁ ଛୁଟି ଆସିଥିଲେ । ସମସ୍ତେ ମା’ ଙ୍କ ପୂଜାର୍ଚ୍ଚନା ସହ ସମାଜର ମଙ୍ଗଳ କାମନା ଏବଂ ସମସ୍ତଙ୍କ ଘର ଧନଧାନ୍ୟରେ ପୂର୍ଣ୍ଣ ହେଉ ବୋଲି ପ୍ରାର୍ଥନା କରିଥିଲେ । ପ୍ରତ୍ୟେକ ଦିନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ସହ କିଛି କିଛି ପ୍ରତି ଯୋଗୀତା ଅନୁଷ୍ଠିତ ହୋଇଥିଲା ।ପ୍ରବଳ ଶୀତର ପ୍ରକୋପ କୁ ଖାତିର ନ କରି ଜନ ଗହଳି ହୋଇ ଉଠିଥିଲା । ସବୁଦିନ ଶ୍ରଦ୍ଧାଳୁମାନଙ୍କୁ ଅନ୍ନ ପ୍ରସାଦ ,ଖେଚୁଡ଼ି ବଣ୍ଟନ କରାଯାଇଥିଲା । ସଂପୂର୍ଣ୍ଣ ବାଗଡେଗା ଗ୍ରାମରେ ଏକ ଭକ୍ତିମୟ ପରିବେଶ ହୋଇ ଉଠିଥିଲା ।କାର୍ଯ୍ୟକ୍ରମକୁ ପ୍ରଗତି କ୍ଲବ ଏବଂ ଗ୍ରାମବାସୀର ପୂଜା କମିଟି ସଦସ୍ୟ ଅଶୋକ ମହାନ୍ତ,ଶିବ ମହାନ୍ତ,ମାନସ ମହାନ୍ତ,ବଵ୍ରୁବାହନ ମହାନ୍ତ,ଶୁସେନ ମହାନ୍ତ, ଏବଂ ଅନ୍ୟ ସଦସ୍ଯବୃନ୍ଦ ଶୃଙ୍ଖଳାର ସହ ପରିଚାଳନାରେ ସହଯୋଗ କରିଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
