ଟାଙ୍ଗିଆରେ ଆକ୍ରମଣକରି ମହିଳାଙ୍କୁ ହତ୍ୟା ଘଟଣାରେ ଅଭିଯୁକ୍ତ କୋର୍ଟ ଚାଲାଣ
ନବରଙ୍ଗପୁର, ୨୨/୧–ନବରଙ୍ଗପୁର ଜିଲ୍ଲା ଡାବୁଗାଁ ଥାନା ପୋଲିସ ଟାଙ୍ଗିଆରେ ଆକ୍ରମଣ କରି ଜଣେ ମହିଳା ଙ୍କୁ ହତ୍ୟା ଘଟଣାରେ ଅଭିଯୁକ୍ତ ଧନସିଂ ଜାନୀ (୩୫) ଙ୍କୁ ସୋମବାର କୋର୍ଟ ଚାଲାଣ କରାଯାଇଛି । ସୂଚନଯୋଗ୍ୟ:- ନବରଙ୍ଗପୁର ଜିଲ୍ଲା ଡାବୁଗାଁ ଥାନା ର ଶିଂସାରୀ ଫାଣ୍ଡି ଅଧୀନ ରାଜପୁର ଗ୍ରାମର ସୁମନି ଜାନୀ ଓ ଧନସିଂ ଜାନୀ ଗୁରୁବାର ଦିନ ସଂଧ୍ୟା ସମୟରେ ଗ୍ରାମ ନିକଟରେ ଥିବା ପୋଖରୀରେ ବୁଲୁଥିବା ଗ୍ରାମବାସୀ ଦେଖିଥିଲେ। ଶୁକ୍ରବାର ଦିନ ସଂଧ୍ୟା ସମୟରେ ସୁମନିଙ୍କ ଶବ ଜମିରେ ପଡ଼ିଥିବା ଗାଇ ଚରାଇବାକୁ ଯାଇଥିବା କିଛି ଲୋକ ଦେଖିଥିଲେ ଏବଂ ଗ୍ରାମବାସୀ ଓ ପରିବାର ଲୋକଙ୍କୁ ଖବର ଦେଇଥିଲେ। ପରିବାର ଲୋକେ ଘଟଣାସ୍ଥଳରେ ପହଞ୍ଚି ଶବକୁ ଘରକୁ ଆଣିଥିଲେ। ଘଟଣାକୁ ନେଇ ମୃତ ମହିଳାଙ୍କ ପୁତୁରା ଖେମରାଜ ଜାନି ଡାବୁଗାଁ ଥାନାରେ ଲିଖିତ ଅଭିଯୋଗ କରିଥିଲେ | ଥାନା ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ | ଥାନା ସବଇନିସ୍ପେକ୍ଟର ବିଜୁରାମ ବାଗ ଘଟଣାର ତଦନ୍ତ କରିଥିଲେ । ଘଟଣାରେ ସମ୍ପୃକ୍ତ ଥିବା ଧନସିଂ ଜାନୀ କୁ ଥାନାରେ ଅଟକ ରଖାଯାଇ ଟଙ୍ଗୀଆ ଜବତ କରି ତଦନ୍ତ ଚାଲିଥିଲା | ସୋମବାର ଅଭିଯୁକ୍ତ ଧନସିଂ ଜାନୀ (୩୫) ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି | ଏନେଇ ଥାନା କେସ ନଂ ୨୪/୨୪ ରେ ଏକ ମାମଲା ରୁଜୁ ହୋଇଥିଲା |