ରାସୋଳ ମହିଳା ଉଚ୍ଚମାଧ୍ୟମିକ ବିଦ୍ୟାଳୟରେ ଆତ୍ମରକ୍ଷା ତାଲିମ ଶିବିର ଉଦ୍ଯାପନୀ ସମାରୋହ
ଢେ଼ଙ୍କାନାଳ ଜିଲ୍ଲାର ରାସୋଳ ମହିଳା ଉଚ୍ଚମାଧ୍ୟମିକ ବିଦ୍ୟାଳୟ ପରିସରରେ ଚାଲିଥିବା ଆତ୍ମରକ୍ଷା ତାଲିମ ଶିବିର ଆଜି ଉଦ୍ଯାପିତ ହୋଇଯାଇଛି । ଉକ୍ତ ଶିବିରରେ ୧୨୮ ଜଣ ଛାତ୍ରୀ ଅଶଂଗ୍ରହଣ କରିଥିଲେ । ଉଦ୍ଯାପିତ ଉତ୍ସବରେ ଅନୁଷ୍ଠାନର ଅଧ୍ୟକ୍ଷା ଶ୍ରୀମତୀ ଦିପାଞ୍ଜଳୀ ପତି ମୁଖ୍ୟ ଅତିଥି ଭାବରେ ଯୋଗଦେଇ ଛାତ୍ରୀମାନଙ୍କ ପାଇଁ ଆତ୍ମରକ୍ଷା କୌଶଳର ଆବଶ୍ୟକତା ଉପରେ ଆଲୋକପାତ କରିଥିଲେ । କ୍ରିଡା ଅଧ୍ୟାପିକା ଶ୍ରୀମତୀ ମଳୟ ମଞ୍ଜରୀ ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଶିବିର ପରିଚାଳିତ ହୋଇ ଥିବା ବେଳେ ପ୍ରଶିକ୍ଷିକା ରୂପେ ଶୁଭଶ୍ରୀ ସାହୁ ଓ ମଧୁସ୍ମିତା ଜେନା ଯୋଗଦେଇ ଛାତ୍ରୀମାନଙ୍କୁ ଆତ୍ମରକ୍ଷାର ବିଭିନ୍ନ କୌଶଳ ଉପରେ ତାଲିମ ଦେଇଥିଲେ । ଏଥିରେ ଅଂଶ ଗ୍ରହଣ କରିଥିବା ସମସ୍ତ ଛାତ୍ରୀମାନଙ୍କୁ ପ୍ରମାଣପତ୍ର ସହିତ ରିଆକ୍ଟ ପୁସ୍ତକ ମଧ୍ୟ ପ୍ରଦାନ କରାଯାଇଥିଲା । ଏହି ଉଦ୍ଯାପନୀ ଶିବିରରେ ଅର୍ଥନିତୀ ଅଧ୍ୟାପିକା ଶ୍ରୀମତୀ ପୁଷ୍ପାଙ୍ଗିନୀ ତାରେଣିଆ ଆତ୍ମରକ୍ଷାର ଗୁରୁତ୍ବ ବର୍ଣନା କରି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
