ପଞ୍ଚାୟତ ସମିତି ସ୍ତରୀୟ ପଞ୍ଚାୟତିରାଜ ଓ ଲୋକସେବା ଦିବସ ପାଳିତ
ଡାବୁଗାଁ, ୫/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ପଞ୍ଚାୟତ ସମିତି ସମ୍ମିଳନୀ କକ୍ଷରେ ମଙ୍ଗଳବାର ପଞ୍ଚାୟତ ସମିତି ସ୍ତରୀୟ ଲୋକ ସେବା ଦିବସ ପଞ୍ଚାୟତ ସମିତି ଅଧକ୍ଷା ବୀଣା ମାଝୀଙ୍କ ସଭାପତିତ୍ଵରେ ପାଳିତ ହୋଇଯାଇଛି । ପ୍ରବାଦପୁରୁଷ ବିଜୁ ବାବୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ, ଧୁପଦୀପ ପ୍ରଜ୍ଵଳନ କରାଇ ସଭା କାର୍ଯ୍ୟ ଆରମ୍ଭ କରା ଯାଇଥିଲା। ମୁଖ୍ୟ ଅତିଥି ଓ ସମସ୍ତ ମଞ୍ଚାସୀନ ଅତିଥି ପ୍ରବାଦ ପୁରୁଷ୍ ଙ୍କ ଜିବନୀ, ରାଜନୈତିକ କ୍ଷେତ୍ରରେ ରାଜ୍ୟ ଓ ଦେଶ ଗଠନରେ ପ୍ରମୁଖ ଭୁମିକା ଉପରେ ବ୍ୟାପକ ଆଲୋଚନା କରାଯାଇଥିଲା । ତାଙ୍କ ଜନ୍ମ ଦିବସକୁ ପଞ୍ଚୟତୀରାଜ ଦିବସ ବା ଲୋକ ସେବା ଦିବସ ଭାବେ ପାଳନ କରାଯାଉଛି | ଏହି ଅବସରରେ ବିଧାୟକ ପ୍ରତିନିଧି ଏମ୍. ବୁଲୁ ରାଓ, ବ୍ଲକ ଉପାଧ୍ୟକ୍ଷ ସଦାନନ୍ଦ ନାୟକ, ଜିଲା ପରିଷଦ ସଭ୍ୟ ଗୁପ୍ତ ବିଷୋୟୀ, ବିଡିଓ ଶରତ ମାଝୀ, ଏବିଡିଓ ପଦ୍ମନାଭ ତ୍ରିପାଠୀ , ବନପାଳ ଉମାକାନ୍ତ ପଟ୍ଟନାୟକ, ସମସ୍ତ ବିଏଲଏଫ, ଏମବିକେ, ସିଆରପି ଓ ଲୋକମାନେ ଉପସ୍ଥିତ ଥିଲେ | ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଧନ୍ୟବାଦ ପ୍ରଦାନ କରି ସଭା ସାଙ୍ଗ ଘୋଷଣା କରିଥିଲେ।