ଐତିହାସିକ ଶକ୍ତି ପୀଠରେ ମହାଶିବରାତ୍ରି
ବାଲେଶ୍ଵର,୦୮/୩/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ମାଣତ୍ରୀ ପଞ୍ଚାୟତ ଜଳଙ୍ଗଗଣ୍ଡିବେଡ ସ୍ଥିତ ମା ଚଣ୍ଡୀ ଠାକୁରାଣୀଙ୍କ ଐତିହାସିକ ପୀଠରେ ଥିବା ପଞ୍ଚ ମହାଦେବ ଯଥା- ସିନ୍ଧୁକେଶ୍ବର, ଗଙ୍ଗେଶ୍ବର, ବାମନେଶ୍ବର, ଯୋଗେଶ୍ବର ଓ ଖଗେଶ୍ବର ମହାଦେଵ ବାଵାଙ୍କ ଠାରେ ପରମ୍ପରା ଅନୁଯାୟୀ ମହାଶିବରାତ୍ରି ତଥା ଜଗର ପାଳିତ ହୋଇଛି । ଏ ପଞ୍ଚ ମହାଦେବ ବ୍ରିଟିଶ ଅମଳରୁ ସ୍ଥାପିତ । ଯାହାକି ଦେବୋତ୍ତର ଏଣ୍ଡାମେଣ୍ଡ ତରଫରୁ ଟ୍ରଷ୍ଟବୋର୍ଡ ଅଧିନରେ ସେବା ପୂଜା ହୋଇ ଆସୁଅଛି । ଟ୍ରଷ୍ଟବୋର୍ଡ ପକ୍ଷରୁ ପଣ୍ଡିତ ବେଣୁଧର ତିଆଡି, ପଣ୍ଡିତ ତ୍ରୈଲୋକ୍ଯ ତିଆଡି, ପଣ୍ଡିତ ଉମାକାନ୍ତ ପଣ୍ଡା ପୂଜା କାର୍ଯ୍ୟରେ ନିୟୋଜିତ ଅଛନ୍ତି । ଏହି ମନ୍ଦିରକୁ ବିଭିନ୍ନ ଆଡୁ ବହୁ ଭକ୍ତ ଆସିଥାନ୍ତି । ଶହ ଶହ ଭକ୍ତମାନେ ମହାଦୀପ ଉଠିବା ପର୍ଯ୍ୟନ୍ତ ରହିଥାନ୍ତି । ଭଜନ କୀର୍ତ୍ତନରେ ଚଳଚଞ୍ଚଳ ହୋଇ ଉଠିଛି । ଟ୍ରଷ୍ଟବୋର୍ଡ ପକ୍ଷରୁ ସମସ୍ତ କାର୍ଯ୍ୟ ସୁଚାରୁ ରୂପେ ହୋଇଥାଏ । ଗଜେନ୍ଦ୍ର ପଣ୍ଡା ମହାଦୀପ ଉଠାଇ ଥିଲେ । ତାଙ୍କୁ ସହଯୋଗ କରିଥିଲେ ସଭ୍ଯ ସୁଶାନ୍ତ ମହାପାତ୍ର, ଜ୍ଯୋତି ଶଙ୍କର ଦାସ, ସମ୍ବୁନାଥ ବେହେରା, ପୂର୍ଣ୍ଣ ଚନ୍ଦ୍ର ଦାସ ଓ ଗ୍ରାମବାସୀ ମାନେ । ମେନେଜିଙ୍ଗ୍ ଟ୍ରଷ୍ଟୀ ପ୍ରଫୁଲ୍ଲ କୁମାର ଦାସ ସମସ୍ତ କାର୍ଯ୍ୟ ତଦାରଖ କରିଥିଲେ ।।