ଟ୍ରକ କୁ ଧକ୍କା ଦେଲା ପିକ-ଅପ ଡ୍ରାଇଭର ଆହତ
ଡାବୁଗାଁ, ୨୯/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ନିକଟରେ ଶୁକ୍ରବାର ଭୋର ସମୟରେ ଟ୍ରକ ସହ ପିକ-ଅପ ଦୁର୍ଘଟଣା ଘଟି ଡ୍ରାଇଭର ଆହତ ହୋଇଛନ୍ତି | ସୂଚନାଯୋଗ୍ୟ:- ଶୁକ୍ରବାର ଭୋର ୩ ଘ. ସମୟରେ ଡାବୁଗାଁ-ଉମରକୋଟ ରାଜ୍ୟରାଜପଥ -୩୯ ଉପରେ ଡାବୁଗାଁ ଥାନା ଠାରୁ ୫୦୦ ମିଟର ଦୂରରେ କଳାହାଣ୍ଡି ଜିଲା ଜୁନାଗଡ ଠାରୁ ଟ୍ରକ ନଂ ଓଆର ୦୮ ଇ ୪୮୩୭ ରେ ସାର ବୋଝେଇ କରି ଉମରକୋଟ ଅଭିମୁଖେ ଯାଉଥିଲା | ଟ୍ରକ ଟି ର ଇଞ୍ଜିନ ଖରାପ ହେବାରୁ ଟ୍ରକ ଟି ରାସ୍ତା କଡରେ ଛିଡା ହୋଇ ରହିଥିଲା | ସେହି ସମୟରେ କଳାହାଣ୍ଡି ଜିଲା ଭାବନିପାଟଣା ଠାରୁ କୋରିୟର ସର୍ଭିସର ପିକ-ଅପ ଗାଡି ନଂ ଓଡ଼ି ୦୨ ସିବି ୫୩୫୦ ପଛପଟୁ ଆସି ଟ୍ରକ ଟିକୁ ଧକ୍କା ଦେଇଥିଲା | ଧକ୍କା ହେବା ଫଳରେ ପିକ-ଅପ ଡ୍ରାଇଭର ଆହତ ହୋଇଛନ୍ତି | ଡାବୁଗାଁ ଥାନାରେ ରାତିରେ ଡିୟୁଟି ରେ ଥିବା ଏଏସଆଇ ଗୋପାଳକୃଷ୍ଣ ହଲୱା ଓ କନେଷ୍ଟବଳ ତ୍ରିନାଥ ନାୟକ ଜୋରରେ ଏକ ଶବ୍ଦ ଶୁଣିଥିଲେ | ଶବ୍ଦ ଶୁଣି ରାସ୍ତା କୁ ଆସି ଦେଖିଥିଲେ ଯେ ଦୁର୍ଘଟଣା ଘଟିଛି | ସଙ୍ଗେ ସଙ୍ଗେ ପିକ-ଅପ ଗାଡିରୁ ଡ୍ରାଇଭର କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ଡ୍ରାଇଭର ଜଣଙ୍କ ହେଲେ କଳାହାଣ୍ଡି ଜିଲା ଭାବନିପାଟଣା ଥାନା ଅଧୀନ ସୁଜନପୁର ଗ୍ରାମର ଜବାଲହାଲ ପ୍ରଧାନ (୪୫) ବୋଲି ଜଣାପଡିଛି | ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି |