ଟ୍ରକ ଓ କାର ମୁହାଁମୁହିଁ ଧକ୍କା 2 ଗୁରୁତର
ପାପଡାହାଣ୍ଡି ,12/04,ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମଇଦଲପୁର ଥାନା ଅନ୍ତର୍ଗତ ଆମପାଣି ଘାଟିର ଖଡକା ପୋଲ ନିକଟରେ ଶୁକ୍ରବାର ଟ୍ରକ ଓ କାର ମଧ୍ୟରେ ମୁହାଁମୁହିଁ ଧକ୍କାରେ 2ଜଣ କାର ଆରୋହି ଗୁରୁତର ଆହତ ହୋଇଛନ୍ତି | ସ୍ଥାନୀୟ ପୋଲିସ ଦୁଇ ଜଣକୁ ଉଦ୍ଧାର କରି ପାପଡାହାଣ୍ଡି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ପରେ ନବରଙ୍ଗପୁର 
ଜିଲ୍ଲା ମୁଖ୍ୟ ଚିକିତ୍ସାଳୟ ଓ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି | ସୂଚନା ଅନୁଯାୟୀ ସୋନପୁର ଅଞ୍ଚଳର ଶଙ୍କର ସେନ ମେହେର,ଜଗତ ମେହେର କୋରାପୁଟ ଜିଲ୍ଲା ସେମଳିଗୁଡା ରୁ ଏକ କାର OD10 ଚ 0656 ଯୋଗେ ଦୁହେଁ ଭବାନୀପାଟଣା ଯାଉଥିବା ସମୟରେ ଭବାନୀପାଟଣା ରୁ ନବରଙ୍ଗପୁର ଯାଉଥିବା ଏକ ଟ୍ରକ AP16 ତ୍ସ 5189 ସହ ଖଡକା ପୋଲ ନିକଟରେ ମୁହାଁମୁହିଁ ଧକ୍କା ହୋଇଥିଲା | ଏଥିରେ କାରରେ ରହିଥିବା ଜଗତ ମେହେର ଓ ଶଙ୍କର ସେନ ଗୁରୁତର ହୋଇଥିଲେ | ପାପଡାହାଣ୍ଡି ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର ଠାରେ ଉଭୟ ଗୁରୁତରକୁ ଭର୍ତ୍ତି କରିଥିଲେ |
ପାପଡାହାଣ୍ଡି ରୁ ସ୍ୱପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
