କୋକସରା,୦୮/୦୪- କଳାହାଣ୍ଡି ଜିଲ୍ଲା ଧର୍ମଗଡ଼ ବନାଞ୍ଚଳ ଆମପାଣି ଫରେଷ୍ଟର ଜଗନ୍ନାଥ ନାଗଙ୍କ ଉପରେ ବିଭାଗୀୟ କାର୍ଯ୍ୟାନୁଷ୍ଠାନ ହୋଇଛି । ଆମ ଜଙ୍ଗଲ ଯୋଜନାରେ କାର୍ଯ୍ୟ କରିଥିବା ଶ୍ରମିକଙ୍କ ଲକ୍ଷାଧିକ ଟଙ୍କା ବାଟମାରଣା ମାମଲା ରେ ଦକ୍ଷିଣ ବନଖଣ୍ଡ ଅଧିକାରୀ ଲାଡେ ଗଜାନନ ଦୟାନନ୍ଦ ଫରେଷ୍ଟର ଜଗନ୍ନାଥ ନାଗ ଙ୍କୁ ନିଲମ୍ବିତ କରିଥିବା ନେଇ ଧର୍ମଗଡ ରେଞ୍ଜ ଅଧିକାରୀ ଭାବନୀ ଶଙ୍କର କଅଁର କହିଛନ୍ତି । ଗତ ମାର୍ଚ୍ଚ ୨୧ ତାରିଖ ରେ ୬ ଗୋଟି ଜଙ୍ଗଲ ସୁରକ୍ଷା କମିଟି ର ସଭାପତି, ସମ୍ପାଦକ ଓ ଶ୍ରମିକ ମାନେ ଶ୍ରମିକ ଙ୍କ ମଜୁରି ଆତ୍ମସାତ ଅଭିଯୋଗ ରେ ଫରେଷ୍ଟର ଓ ଦୋଷୀ କର୍ମଚାରୀ ଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଆନ୍ଦୋଳନ କରିଥିଲେ । ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ନେଇଥିବା ଜଣାପଡିଛି । ବନପାଳ ଜଗନ୍ନାଥ ନାଗ ନିଲମ୍ବିତ ପରେ ମନୀଷା ପଟ୍ଟନାୟକ ଙ୍କୁ ଆମପାଣି ବନପାଳ ଭାବରେ ଦାୟିତ୍ୱ ଦିଆ ଯାଇଥିବା ବିଭାଗ ପକ୍ଷରୁ ସୂଚନା ମିଲିଛି । ମ ନି ସ
