ରୁପ୍ରା (ମନୀସ) : କଳାହାଣ୍ଡିର ନୂତନ ଜିଲ୍ଲାପାଳ ପି. ଅନ୍ବେଶା ରେଡ୍ଡୀ ଦିନିକିଆ ନର୍ଲା ଗସ୍ତରେ ଆଜି ଆସି ବିଭିନ୍ନ ଅନୁଷ୍ଠାନ ପରିଦର୍ଶନ କରିଥିଲେ । ଜିଲ୍ଲାପାଳ ପ୍ରଥମେ ପଞ୍ଚାୟତ ସମିତି କାର୍ଯ୍ୟାଳୟରେ ପହଞ୍ଚିବାପରେ ନର୍ଲା ବିଡ଼ିଓ ବାସନ୍ତୀ ସେଠୀ, ବ୍ଲକ ଅଧ୍ୟକ୍ଷା ମନୋରମା ମହାନ୍ତି ଓ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି (ମୁନା) ପ୍ରମୁଖ ତାଙ୍କୁ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ।
ବ୍ଲକ କାର୍ଯ୍ୟାଳୟରେ ସମସ୍ତଙ୍କ ସହ ଆଲୋଚନା କରିବା ପରେ ଜିଲ୍ଲାପାଳ ନର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିଦର୍ଶନ କରିଥିଲେ, ସେଠାରେ ଅନ୍ତଃ ଓ ବର୍ହି ବିଭାଗ ବୁଲି ଦେଖିବାସହ 
ଚିକିତ୍ସକ ମାନଙ୍କ ସହ ଡାକ୍ତରଖାନାର ସୁବିଧା ଅସୁବିଧା ସମ୍ପର୍କରେ ଆଲୋଚନା କରିଥିଲେ। ପରେ ବୁରାଟ୍ ଏସ୍. ଏଚ୍. ଜି, ଚପଟଖଣ୍ଡା ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟ, ଅମୃତ ସରୋବର ତୁଲାପଡା, ଛତୁଚାଷ ଓ ଭାନପୁରର ମୋ ପୋଖରୀ ବୁଲି ଦେଖିଥିଲେ।
ଏହି ଅବସରରେ ସିଡିପିଓ, ତହସିଲଦାର, ଏପିଓ, ବିଏସ୍ଏସ୍ଓ, ଏବିଡିଓ, ଏମ୍ଆଇ ଓ ଜିପିଇଓଙ୍କ ସମେତ ଅନ୍ୟାନ୍ୟ ବିଭାଗୀୟ ଅଧିକାରୀ ମାନଙ୍କ ଉପସ୍ଥିତିରେ ଉନ୍ନତି ମୂଳକ କାର୍ଯ୍ୟ ବାବଦରେ ଆଲୋଚନା କରିଥିଲେ।
ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
