ଜଣାଣ

ମାନଗୋବିନ୍ଦ ସ୍ବାଇଁ

ପରିବାର ବୋଝ ମୋତେ ବି ଘାରୁଛି

      ଚିନ୍ତା ଦିନ ମୋର ରାତି

ଆହାର ପାଇଁ କି ଦାଣ୍ଡେ ବସିଅଛି

    ପ୍ରଭୁ ରକ୍ଷା ବଂଶପ୍ରୀତି।

ଏତିକି କରିବ ମୋ ପାଇଁ ପ୍ରଭୁ ହେ

     ପରିବାର ବୋଝ ନିଅ

ଯାହା ତୁମେ କୁହ ତାହା ମୁଁ କରିବି

   ଦୁଃଖ ଯନ୍ତ୍ରଣା ନ ଦିଅ।

ବୟସ ହୋଇଲା ବେଳ ଗଡ଼ି ଚାଲେ

      ଥକା ମାରି ବସେ ଦଣ୍ଡେ

ପ୍ରଭୁ ନାମ ଧରି ଭଜନ ସଂଗୀତ

       ଗାଉଛି ସ୍ବର ମୋ କଣ୍ଠେ।

ଯେତେ ଦିନ ଧରି ପ୍ରଭୁ ନାମ ଜପ

     ସେତେ ଦିନ ସବୁ ସତ

ନାମକୁ ଛାଡ଼ିଲେ ଅନ୍ଧାର ଦିଶିବ

     ଚାରି ପାଖ କଳା ଭୁତ।

ସମୟ ନଦୀରେ ସ୍ରୋତ ଯେ ପ୍ରବଳ

      ପାରି ହବା ବଡ଼ କଷ୍ଟ

ଜୀବନରେ ଭଲ କାମ କରିଥିଲେ

     ବୈକୁଣ୍ଠ ମୋ ପାଇଁ ଶ୍ରେଷ୍ଠ।

ଏ ମାନଗୋବିନ୍ଦ ପଦରେ ଆନନ୍ଦ

    ଲେଖୁ ଥାଉ ଲେଖା ଆଉ

ଶରଣ ପଶୁଛି ପାଦ ତଳେ ମୁହିଁ

     ଆଶୀର୍ବାଦ ମହାବାହୁ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା