କଂଗ୍ରେସ ଦଳର ପ୍ରଚାର ପ୍ରସାର ଦେଖି ଅନ୍ୟ ଦଳ ଛାନିଆ
ଖଇରା,୧୮/୫/୨୪- ବାଲେଶ୍ଵର ଜିଲ୍ଲା ସିମୁଳିଆ ନିର୍ବାଚନ ମଣ୍ଡଳୀ ଖଇରା ବ୍ଲକ ଅନ୍ତର୍ଗତ ସୀମାନ୍ତବର୍ତ୍ତୀ ଅଞ୍ଚଳ ଭାବେ ପରିଚିତ ମାଣିତ୍ରି ପଞ୍ଚାୟତର କଇଁ ଗଡିଆ ଗ୍ରାମରେ ୧୨ଶହରୁ ଉର୍ଦ୍ଧ ଭୋଟର ରହୁଥିବା ବେଳେ ଗ୍ରାମକୁ ପ୍ରବେଶ କରିବା ଲାଗି ରାସ୍ତାଟିଏ ନାହିଁ । ରାସ୍ତାଟିଏ ନଥିବା ହେତୁ ଗ୍ରାମବାସୀ ମାନେ ନାନାଦି ପ୍ରକାର ଅସୁବିଧାର ସମ୍ମୁଖୀନ ହେଉଛନ୍ତି । ବର୍ଷା ଋତୁରେ ରାସ୍ତାଟିର ଅବସ୍ଥା ଶୋଚନୀୟ ହେବା ହେତୁ ଛାତ୍ରଛାତ୍ରୀ ମାନେ ସ୍କୁଲ, କଲେଜ ଏବଂ ଡାକ୍ତରଖାନାକୁ ଯାଇପାରୁନାହାନ୍ତି । କଇଁଗଡିଆ ଗ୍ରାମର ଗ୍ରାମବାସୀ ମାନେ ଏଭଳି ପରିସ୍ଥିତିରେ ରହୁଥିବା ଖବର ଶୁଣି କଂଗ୍ରେସ ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା ପହଞ୍ଚି ସ୍ଥାନୀୟ ଲୋକ ମାନଙ୍କ ସହିତ ଆଲୋଚନା କରି ଅସୁବିଧାର ତୁରନ୍ତ ପ୍ରତିକାର କରିବେ ବୋଲି ପ୍ରତିଶୃତି ଦେଇଥିଲେ । ଅନ୍ୟମାନଙ୍କ ମଧ୍ୟରେ ଖଇରା ବ୍ଲକ ସଭାପତି ଶରତ କୁମାର ଦାସ, ବାଲେଶ୍ୱର ଜିଲ୍ଲା ସାଧାରଣ ସମ୍ପାଦକ ପ୍ରଫୁଲ୍ଲ ଚନ୍ଦ୍ର ସାହୁ, ସିମୁଳିଆ ନିର୍ବାଚନ ମଣ୍ଡଳୀର ଯୁବ ସଭାପତି ନିରଞ୍ଜନ ପରିଡା, ୬ନମ୍ବର ଜୋନ ସଭାପତି ଭାଗିରଥି ମହାପାତ୍ର ପ୍ରମୁଖ ଉପସ୍ଥିତ ଥିଲେ । କଂଗ୍ରେସ ପ୍ରାର୍ଥୀଙ୍କ ଏଭଳି ପ୍ରଚାର ପ୍ରସାର ଦେଖି ସମସ୍ତେ କଂଗ୍ରେସ ମୁହାଁ ହେଉଥିବାର ଜଣାପଡୁଛି । ଏବଂ ଚଳିତ ସାଧାରଣ ନିର୍ବାଚନରେ ଦଳ ନିଶ୍ଚୟ ବିଜୟ ଲାଭ କରିବ ବୋଲି ସାଧାରଣରେ ଆଲୋଚନା ହେଉଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
