କେନ୍ଦୁମୁଣ୍ଡି ଗ୍ରାମରେ ଜଳକଷ୍ଟ
ଚଳିତ ବର୍ଷ ବଲାଙ୍ଗୀର ଜିଲ୍ଲା ଗ୍ରୀଷ୍ମକାଳରେ ତାପମାତ୍ରା ପାଇଁ ରେକର୍ଡ ସୃଷ୍ଟି କରୁଛି । ଦିନକୁ ଦିନ ଗ୍ରୀଷ୍ମ ପ୍ରବାହ ଅସହ୍ୟ ହେଉଥିବା ବେଳେ ଜଳକଷ୍ଟ ଜୀବନକୁ ଦୁର୍ବିସହ କରିଦେଉଛି । ବଲାଙ୍ଗୀର ଜିଲ୍ଲା କେନ୍ଦୁମୁଣ୍ଡି ଗ୍ରାମପଞ୍ଚାୟତ ରେ ଦେଖାଦେଇଛି ପାନୀୟ ଜଳ ସମସ୍ୟା । ଏନେଇ ଗ୍ରାମର ସତାଧିକ ମହିଳା ସ୍ଥାନୀୟ ସରପଞ୍ଚ କୁ ଜଣାଇଲେ 
ମଧ୍ୟ୍ୟ କିଛି ସଫଳ ହେଉନି । ଏଠି ନଳକୂଅ ମଧ୍ୟ୍ୟ କିଛି ଅଚଳ ହୋଇଛି ହେଲେ କେତେକ ନଳକୂପ ରେ ଅଳ୍ପ ପାଣି ବାହାରୁଛି ତ କେତେକ ପୁରା ଅଚଳ ରହିଥିବା ବେଳେ ବସୁଧା ଯୋଜନା ମଧ୍ୟ ତିନି ଦିନ ଧରି ବନ୍ଦ ରହିଛି ।ପାଣି ଟୋପାଏ ପାଇଁ ଗ୍ରାମ ବାସି ଅସୁବିଧା ରେ ସମ୍ମୁଖୀନ ହେଉଛନ୍ତି । ପ୍ରାୟ ଏକ ହଜାର ଜନସଂଖ୍ୟା ବିଶିଷ୍ଟ କେନ୍ଦୁମୁଣ୍ଡି ଗ୍ରାମରେ ପାନୀୟ ଜଳର ଉତ୍କଟ ଅଭାବ ଦେଖା ଦେଇଛି । ଗ୍ରାମରେ ହଜାରେ ଲୋକଙ୍କ ପାଇଁ ରହିଛି ମାତ୍ର ନଳକୂପ । ସମୁଦାୟ ଗ୍ରାମବାସୀଙ୍କ ଆଶା ଓ ଭରସା ସାଜିଥିବା ଏହି ନଳକୂପ ଦ୍ୱୟ ମଧ୍ୟରୁ କିଛି ଅଚଳ ଅବସ୍ଥାରେ । ଗ୍ରାମ ମଧ୍ୟରେ ଜଳ ଯୋଗାଣ ପାଇଁ ବିଛା ଯାଇଛି ପାଇପ୍ ଲାଇନ୍ କିନ୍ତୁ ଜଳ ଯୋଗାଣର ନା ଗନ୍ଧ ନାହିଁ ବୋଲି ଅଭିଯୋଗ କରିଥିଲେ ଗ୍ରାମ ମହିଳା ମାନେ । ତେବେ ଜିଲ୍ଲା ପ୍ରଶାସନ ଏହି ଗାଁ ଲୋକଙ୍କ ସମସ୍ଯା ସମାଧାନ କେବେ କରୁଛି ଦେଖିବାକୁ ବାକି ରହିଲା।
ବଲାଙ୍ଗିର ରୁ ଦୁର୍ଯ୍ୟୋଧନ ବର୍ଗେ ଙ୍କ ରିପୋର୍ଟ୍
